Oýun sanawy
Türkmenistan bilen Hytaýyň bilim hyzmatdaşlygy täze derejä çykarylýar
24 Okt. 05:5522-nji oktýabrda Türkmenistanyň bilim ministri Jenap J.Gurbangeldiýew bilen Hytaý Halk Respublikasynyň Türkmenistandaky Adatdan daşary we Doly ygtyýarly ilçisi Jenap Si Şumin duşuşyk geçirdiler. Duşuşykda taraplar strategik hyzmatdaşlygyň möhüm ähmiýetini belläp, akademiki alyş-çalyşlary giňeltmek, grant maksatnamalarynyň sanyny artdyrmak we sanly bilim tehnologiýalary ulgamyndaky bilelikdäki taslamalary durmuşa geçirmek boýunça meseleleri ara alyp maslahatlaşdylar.
Gepleşikleriň dowamynda hyzmatdaşlygy güýçlendirmegiň birnäçe ugurlary boýunça anyk çäreler ara alnyp maslahatlaşyldy. Taraplar hytaý dilini öwrenmek boýunça hyzmatdaşlygy giňeltmek, mugallymlaryň hünär derejesini ýokarlandyrmak boýunça maksatnamalary ösdürmek hem-de ýokary okuw jaýlarynyň arasynda akademiki alyş-çalyşlary işjeňleşdirmek barada pikir alyşdylar.
Türkmen tarapy Hytaýyň hereket edýän grant taslamalaryna berýän goldawy üçin minnetdarlyk bildirip, türkmen talyplary üçin stipendiýa ýerleriniň sanyny artdyrmagyň mümkinçiliklerini ara alyp maslahatlaşdy.
Duşuşykda sanly bilim tehnologiýalary boýunça bilelikdäki taslamalary öňe sürmek meselesine aýratyn üns berildi. Şeýle hem «Lu Baniň ussahanasy» taslamasynyň Türkmenistanda amala aşyrylmagynyň aýratyn meseleleri seljerildi. Bu taslama Türkmenistanyň Yagşygeldi Kakayew adyndaky Halkara nebit we gaz uniwersiteti, Hebeý nebit hünär-tehniki uniwersiteti we Siýan Şiou uniwersiteti gatnaşar.
Duşuşygyň ahyrynda taraplar özara bähbitli we amaly hyzmatdaşlygy mundan beýläk-de çuňlaşdyrmaga taýýardygyny tassykladylar. Gepleşikler Türkmenistanyň bilim mümkinçilikleriniň pugtalandyrylmagyna we Hytaý bilen dostlukly gatnaşyklaryň ösdürilmegine goşant goşýar.
Şeýle hem okanyň
Türkmenistandaly mekdep okuwçylary mental arifmetika boýunça dünýä çempionatynda uly üstünlik gazandylar
10 Sen. 11:395-7-nji sentýabr aralygynda Germaniýanyň Bilefeld şäherinde çagalaryň we ýetginjekleriň arasynda mental hasaplamak boýunça dünýä çempionaty (Junior Mental Calculation World Championship 2026) geçirildi. Bu abraýly halkara bäsleşige Hytaý, Ýaponiýa, Germaniýa we Fransiýa ýaly dünýäniň 14 döwletinden 100-den gowrak iň zehinli okuwçylar gatnaşyp, iki sagadyň dowamynda çylşyrymly matematiki amallary diňe ýatdan çözmek boýunça bäsleşdiler.
Ýurt boýunça geçirilen saýlama tapgyrdan üstünlikli geçip, bäsleşige kabul edilen 12 sany türkmen okuwçysy halkara synagda ýokary netijeleri görkezdiler. Bäsleşikde Türkmenabat şäherindäki 41-nji orta mekdebiň 7-nji synp okuwçysy hamana «Kämil Bilim» okuw merkeziniň uçurymy Mekan Nurgeldiýew Junior-1 kategoriýasynda 2477 bal toplap, dünýä boýunça 3-nji orny eýeledi. Şeýle hem ýurdumyzyň mental arifmetika boýunça milli rekordçysy Liwanur Berdiýewa Senior kategoriýasynda iň gowy 8 gatnaşyjynyň hataryna girdi.
Türkmenistanyň ýygyndy toparyna «Kämil bilim» merkeziniň mugallymlary Jahan Durdymämmedowa we Halym Annagurbanow ýolbaşçylyk etdiler. Türkmen okuwçylarynyň bu halkara ýaryşda eýeleýän ýokary orunlary eýýäm däp öwrülip, olar geçen ýyl hem iň gowy onlugyň hataryna girmegi başarypdyrlar.
Blitz