Bahreýniň Isa-Taun şäherinde 14 ýaşdan kiçi gyzlaryň arasynda geçirilen «A» derejeli halkara tennis ýaryşynda Türkmenistanyn tennisçileri öz başarnyklaryny görkezdiler. Ýaryş Aziýa Tennis Federasiýasynyň (ATF) howandarlygynda geçirildi we 17 ýurduň türgenlerini jemledi.

Jübütlikde 12 ýaşly Sülgün Işangulyýewa Iordaniýanyň wekili A. Gokaşau bilen bilelikde ikinji orna mynasyp boldy. Olar Russiýadan, Indoneziýadan we Malaýziýadan gelen garşydaşlaryny ýeňip, ýarym finala çykdylar we Hindistanyň jübütini ýeňip finala bardylar. Final duşuşygynda Russiýa we Eýran wekillerinden düzülen jübütden utulyp, kümüş medala mynasyp boldular.

Ýekelikde iň gowy netijäni Aşgabat şäherindäki 87-nji orta mekdebiň 7-nji synp okuwçysy Názli Hudaýgulyýewa görkezd. Ol üç duşuşykdan ýeňiş gazanyp ýarym finala çykdy, Hytaý wekiline utuldy we üçünji orun üçin oýunda Ýaponiýa wekiline üstün çykdy, dördünji orny eýeledi.

«ATF Bahrain 14 & Under Category A» ýaryşy reýting utuklaryny berýär. Netijeler boýunça Názli Hudaýgulyýewa Aziýanyň ýetginjekler reýtinginde 19-njy, Sülgün Işangulyýewa bolsa 52-nji orny eýeledi. Iň gowy netijelerini gazanýan türgenleriň ikisi-de Türkmenistanyň zenanlar ýygyndysynyň baş tälimçisi Ýuriý Rogusskiniň ýolbaşçylygynda türgenleşýärler.