Oýun sanawy
10–17-nji mart aralygynda Polşanyň Krakow şäherinde geçirilýän adaty karate boýunça halkara «Krakow kubogy» ýaryşy öz netijelerine eýe boldy. Bu abraýly çäre dünýäniň 14 ýurdundan 870-den gowrak türgeni jemledi. Her ýyl geçirilýän bu bäsleşik, sportuň bu görnüşiniň inçe tilsimlerini görkezmek üçin iň oňaýly meýdançalaryň biri hökmünde ykrar edilýär.
Türkmenistanyň ýygyndy topary bu ýaryşda öz ussatlygyny görkezip, umumylykda iki sany bürünç medaly gazanmagy başardy. Ýaryşyň çekeleşikli geçendigine garamazdan, türkmen türgenleri tälimçileriniň we muşdaklarynyň ynamyny ödäp, ýurdumyzyň sport abraýyny halkara derejesinde belentde sakladylar.
21 ýaşdan uly türgenleriň arasynda geçirilen şahsy bäsleşiklerde Selim Myratdurdyýew ýokary taýýarlyk derejesini görkezip, üçünji orna mynasyp boldy. Onuň gazanan bürünç medaly, türkmen karatesiniň halkara arenasyndaky bäsdeşlige ukyplylygynyň nobatdaky subutnamasy boldy.
Şeýle-de, 12–13 ýaşly gyzlaryň arasyndaky tapgyrda Medine Gaýlyýewa hem bürünç medaly eýeledi. Ol Aşgabat şäheriniň sport baradaky Baş müdirliginiň 1-nji sport mekdebiniň wekili bolup, häzirki wagtda Balkanabat şäherindäki 20-nji orta mekdebiň okuwçysydyr. Onuň bu ýeňşi ýaş türgenleriň öňündäki belent sepgitleriň başy bolup durýar.
Şeýle hem okanyň
Lionel Messi sporty ösdürmäge goşan goşandy üçin abraýly Asturiýa şa gyzynyň baýragyna mynasyp boldy
24 Okt. 10:17«Altyn top» baýragynyň sekiz gezek eýesi, meşhur argentinaly futbolçy Lionel Messi dünýä sportuny ösdürmäge goşan göz-görtele goşandy üçin Ispaniýanyň halkara derejesindäki abraýly Asturiýa şa gyzynyň baýragy bilen sylaglandy. Baýragy gowşurmak dabarasy Ispaniýanyň Owýedo şäherindäki taryhy «Kampoamor» teatrynda uly danyşyklylyk bilen geçirildi. Bu barada sylaglaýjy gaznanyň resmi internet saýtynda habar berilýär.
Asturiýa şa gyzynyň halkara baýragy 1980-nji ýyldan bäri dünýä boýunça dürli ugurlarda, şol sanda sportda uly üstünlik gazanan görnükli şahsyýetlere gowşurylyp gelinýär. Sport kategoriýasy boýunça bu derejeli baýraga ozal meşhur tennisçi Serena Wilýams, ispan futbolçylary Iker Kasilýas we Hawi, şeýle hem Braziliýanyň hem-da Ispaniýanyň milli ýygyndylary mynasyp bolupdylar.
Häzirki wagtda 39 ýaşly Messi Amerikan Ligasynda (MLS) «Inter Maýami» klubynyň düzüminde çykyş edýär. Öz oýunçylyk karýerasynda «Barselona» we «Pari Sen-Žermen» ýaly öňdebaryjy klublarda oýnan Argentinanyň milli ýygyndysynyň kapitany 2022-nji ýylda Dünýä çempiony boldy ham-da karýerasynda jemi 48 sany resmi kubok we kubok titullaryny utup, futbol taryhynda iň köp titully oýunçy hökmünde öz adyny altyn harplar bilen ýazdyrdy.
Blitz