Oýun sanawy
Türkmenistanyň DIM ýolbaşçysy Dohadaky adatdan daşary duşuşyklara gatnaşýar
Türkmenistanyň daşary işler ministri Raşid Meredow Kataryň paýtagty Dohada iş saparynda bolup, Arap döwletleriniň ligasynyň we Yslam Hyzmatdaşlyk Guramasynyň daşary işler ministrleriniň adatdan daşary duşuşygyna, şeýle-de arap-yslam sammitine gatnaşýar.
Türkmenistanyň DIM-i tarapyndan berlen maglumata görä, Aşgabat sebitde bolup geçýän ýagdaýlara degişli öz resmi pozisiýasyny beýan etdi. Türkmen tarapy halkara gapma-garşylyklary güýç ulanyp çözmegiň kabul ederliksizdigini belläp, munuň BMG-niň Tertipnamasyna we halkara hukugynyň umumy kadalaryna ters gelýändigini nygtady.
Saparyň çäginde Raşid Meredow Kataryň Premýer-ministri we daşary işler ministri Şeýh Mohammed bin Abdurrahman Al Tani bilen duşuşyk geçirdi. Ol duşuşykda Türkmenistanyň Prezidenti Serdar Berdimuhamedowdan we türkmen halkynyň Milli Lideri, Halk Maslahatynyň Başlygy Gurbanguly Berdimuhamedowdan gutlaglar we salamlar ýetirildi.
Duşuşykda syýasy, ykdysady we medeni-gumanitar ugurlar boýunça türkmen-katar gatnaşyklarynyň möhüm ugurlary ara alnyp maslahatlaşyldy.
Şeýle hem okanyň
Iň köp görülen
Türkmenistanyň Prezidenti milli pul birliginiň — manadyň 32 ýyllygy bilen gutlady
Türkmenistanyň Prezidenti Serdar Berdimuhamedow raýatlary we bank ulgamynyň işgärlerini milli pul birliginiň — manadyň dolanyşyga girizilmeginiň 32 ýyllygy bilen tüýs ýürekden gutlady.
Döwlet Baştutany öz ýüzlenmesinde manadyň girizilmeginiň ýurduň ykdysady durnuklylygyny berkitmekde, maliýe garaşsyzlygyny üpjün etmekde we pul-karz ulgamyny ösdürmekde möhüm ädim bolandygyny belledi.
Prezidentiň nygtaýşy ýaly, bank ulgamy serişdeleriň dolanyşygyny üpjün etmekde, maýa goýumlaryny artdyrmakda hem-de häzirki zaman sanly tehnologiýalary ornaşdyrmak arkaly maliýe hyzmatlarynyň hilini ýokarlandyrmakda möhüm orny eýeleýär.
Gutlag hatynda şeýle hem bank ulgamynyň kanunçylyk binýadyny halkara ülňülerine laýyklaşdyrmak, elektron töleg ulgamyny giňeltmek we halkara maliýe guramalary, şol sanda Halkara Valýuta Gaznasy, Bütindünýä Banky hem-de “Fitch Ratings” agentligi bilen hyzmatdaşlygy ösdürmek boýunça işleriň dowam etdirilýändigi bellenilýär.
Serdar Berdimuhamedow belleýär, häzirki wagtda Türkmenistan ilat başyna düşýän içerki önümiň derejesi boýunça ýokary girdejili ýurtlaryň hataryna girýär, şeýle hem halkara guramalaryň ählisi ýurduň durnukly ykdysady ösüşine oňyn baha berýär.
Döwlet Baştutany gutlagynyň ahyrynda ähli watandaşlaryna berk jan saglyk, abadançylyk we Garaşsyz, Bitarap Türkmenistanyň ösüşine goşant goşmakda üstünlik arzuw etdi.
Şeýle hem okanyň
Blitz