Özbegistanyň Milli Kino Sungaty Köşgünde Merkezi Aziýa ýurtlarynyň we Azerbaýjanyň Filim Günleriniň açylyş dabarasy geçirildi diýip, uza.uz habar berýär.
Dabara daşary ýurt delegasiýalarynyň gatnaşmagynda geçirilen “tegelek stol” duşuşygy bilen başlady. Çärede Özbegistanyň Medeniýet Ministrliginiň ýanyndaky Kinokinematografiýa agentliginiň direktory Şuhrat Rizaýew, Azerbaýjan Kinokinematografiýa agentliginiň baş direktory Raşad Azizow, Gazagystanyň Milli kino goldaw merkeziniň dolandyryş geňeşiniň başlygynyň orunbasary Adilet Omarow, şeýle hem Türkmenistan hem-de beýleki Merkezi Aziýa döwletlerinden gelen myhmanlar we metbugat wekilleri gatnaşdy.

Duşuşykda türk dilli ýurtlaryň kino işgärleriniň döredijilik gatnaşyklarynyň güýçlenýändigi we täze ösüş derejesine çykýandygy aýratyn bellenildi. Halkara festiwallary, döredijilik bäsleşikleri hem-de bilelikde film döretmek tejribeleri hyzmatdaşlygy has-da berkitmäge ýardam berýär.

Filim Günleri medeni gatnaşyklary giňeltmäge, halklary sungat arkaly ýakynlaşdyrmaga we hünär taýdan tejribe alyşmaga möhüm mümkinçilik döredýär.

Dabaraň ilkinji gününde Merkezi Aziýa we Azerbaýjan kinematografçylary tarapyndan döredilen gysga metražly filimler tomaşaçylara görkezildi.