Oýun sanawy
Londonda 1991-nji ýylda Şa zenan Diana tarapyndan ýere gömülen wagt kapsulasy ýer ýüzüne çykaryldy. Bu kapsula ilkinji gezek «Great Ormond Street» çagalar hassahanasynyň täze binasynyň gurluşygy döwründe tapyldy.
«MIR 24» telekanalynyň habar bermegine görä, kapsulanyň içinde aýdymçy Kaýli Minougyň aýdymlar ýygyndysy, Gün energiýasy bilen işleýän kalkulýator we bir pasport bar. Şeýle hem gutudan göçme telewizor, britan şaýollarynyň toplumy, bäş dürli agaç tohumy, «The Times» gazeti we Şa zenanyň özi hakyndaky fotoportret tapyldy.
Bu wagt kapsulasy başlangyçda diňe 100 ýyldan soň açylmalydy. Emma täze çagalar hassahanasynyň gurluşygy üçin ýer taýýarlanda, ony öňünden açmak zerurlygy ýüze çykdy.
Şeýle hem okanyň
Russiýanyň paýtagtynda iň uzak ýaşly ýaşaýjylaryň ýaş görkezijileri aýan edildi
10 Sen. 08:16Moskwa şäherinde häzirki wagtda iň uly ýaşly zenan ýaşaýjynyň 108 ýaşy, iň uly ýaşly erkek ýaşaýjynyň bolsa 105 ýaşy doldy. Bu barada şäheriň Zähmet we ilaty sosial taýdan goramak edarasyna salgylanmak bilen «Gazeta.ru» neşiri habar berýär.
Hünärmenleriň çaklamalaryna görä, Moskwada ortaça ömür dowamlylygy 2026-njy ýylda 80 ýaşdan gowrak bolar. Ýaşaýjylaryň ömür dowamlylygynyň mundan beýläk-de artmagy öňüni alyş lukmançylygynyň kämilleşmegi, emeli aň tilsimleriniň ornaşdyrylmagy hem-de şäher infrastrukturasynyň ösmegi bilen baglanyşdyrylýar.
Russiýa Federasiýasy boýunça ilatyň iň uzak ýaşaýan sebitleriniň sanawynda Inguşetiýa Respublikasy birinji orny eýeleýär. Şeýle hem ýokary görkezijili sebitleriň hataryna Dagystan, Moskwa şäheri, Kabardin-Balkar we Garaçaý-Çerkez respublikalary girdi.
Şeýle hem okanyň
Blitz