Oýun sanawy
Birleşen Arap Emirlikleri dünýäniň iň bäsdeşlige ukyply bäş döwletiniň hataryna goşuldy
23 Iýun. 08:24Dünýä ýurtlarynda işewürligiň durnukly ösmegi we uzak möhletleýin ösüş üçin amatly gurşawyň döredilişine baha berýän «IMD World Competitiveness Yearbook 2026» ählumumy reýtinginiň netijeleri mälim edildi. Täze görkezijilere görä, Birleşen Arap Emirlikleri dünýäniň iň bäsdeşlige ukyply döwletleriniň ilkinji bäşligine girmegi başardy. Ýurduň bu ugurdaky uly üstünliginiň esasy şertleri hökmünde döwlet dolandyryşynda býurokratiýanyň pes derejesi, üýtgeýän global şertlerde içerki syýasatyň çeýeligi hem-de awiasiýa düzüminiň ýokary ösüş derejesi görkezilýär. Mundan başga-da, emirlikler häzirki wagtda ilatyň emeli aňa bolan ynamy we täze işewürlik ugurlaryny döretmegiň depginleri boýunça dünýäde ikinji orny eýeleýär. Ýurduň Premýer-ministri Şeýh Mohammed bin Raşid Al Maktum bu görkezijiniň diňe bir reýting däl, eýsem halkyň durmuş şertlerini gowulandyrýan we döwlete bolan halkara ynamy berkidýän ýokary ölçegdigini aýratyn belledi.
Şeýle hem okanyň
Russiýanyň paýtagtynda iň uzak ýaşly ýaşaýjylaryň ýaş görkezijileri aýan edildi
10 Sen. 08:16Moskwa şäherinde häzirki wagtda iň uly ýaşly zenan ýaşaýjynyň 108 ýaşy, iň uly ýaşly erkek ýaşaýjynyň bolsa 105 ýaşy doldy. Bu barada şäheriň Zähmet we ilaty sosial taýdan goramak edarasyna salgylanmak bilen «Gazeta.ru» neşiri habar berýär.
Hünärmenleriň çaklamalaryna görä, Moskwada ortaça ömür dowamlylygy 2026-njy ýylda 80 ýaşdan gowrak bolar. Ýaşaýjylaryň ömür dowamlylygynyň mundan beýläk-de artmagy öňüni alyş lukmançylygynyň kämilleşmegi, emeli aň tilsimleriniň ornaşdyrylmagy hem-de şäher infrastrukturasynyň ösmegi bilen baglanyşdyrylýar.
Russiýa Federasiýasy boýunça ilatyň iň uzak ýaşaýan sebitleriniň sanawynda Inguşetiýa Respublikasy birinji orny eýeleýär. Şeýle hem ýokary görkezijili sebitleriň hataryna Dagystan, Moskwa şäheri, Kabardin-Balkar we Garaçaý-Çerkez respublikalary girdi.
Blitz