Oýun sanawy
Türkmenistanyň Döwlet Sirki täze möwsümi ilkinji çykyşlary bilen başlaýar
27 Awgust. 11:46Şu ýylyň täze möwsümi, Türkmenistanyň Döwlet Sirki bilen bilelikde “Aba Annaýew” adyndaky Halkara atçylyk akademiýasynyň gatnaşmagynda, “Görogly” şadessanyndan sahnalaşdyrylan “Görogly” atly sirk çykyşyny hödürleýär. Täze möwsüm döwlet atçylyk sirkiniň we onuň ussat artistleriniň çykyşy bilen baýlaşdyrylýar.
Çykyşyň dowamynda, Halkara sirk festiwallarynda 6 gezek ýeňiji bolup, baş baýraklara eýe bolan “Galkynyş” milli at üstündäki oýunlar toparynyň we Türkmenistanyň Döwlet sirkleriniň tanymal artistleriniň çykyşlary görkeziler. Bu çäreler her hepdäniň şenbe we ýekşenbe günleri geçiriler.
Giriş peteklerini Türkmenistanyň Döwlet sirkiniň resmi web sahypasy “sirk.gov.tm” arkaly “online” görnüşinde satyn almak mümkinçiligi bar.
Goşmaça maglumat üçin şu telefon belgileri arkaly habarlaşyp bilersiňiz: 39-80-44; 39-80-45; 36-10-95.
Şeýle hem okanyň
Öte gyzgyn çaý we kofe içmek gyzylödek düwnüginiň ýüze çykmak töwekgelçiligini ýokarlandyrýar
Bugün 09:10Oksford uniwersitetiniň alymlarynyň 14 ýylyň dowamynda 1 milliona golaý adamyň maglumatlaryny seljerip geçiren barlaglaryna görä, örän gyzgyn çaýy we kofäni yzygiderli içmek gyzylödek düwnüginiň döremek töwekgelçiligini üç esse ýokarlandyryp biler. Düwnük keselini öwrenmek boýunça halkara agentligi tarapyndan 65℃ we ondan hem ýokary bolan içgiler örän gyzgyn diýlip klassifikasiýa edilýär. Günde alty we ondan köp çüýşeli şeýle içgileri kabul etmek gyzylödegiň tekiz öýjükli karsinomasynyň ýüze çykmak ähtimallygyny ep-esli artdyrýar.
Barlagyň awtorlarynyň biri, iýmit epidemiologiýasy boýunça hünärmen Keren Papýe adamlaryň köplenç içgileri 50–60°C temperaturada içýändigini we içgini içmek oňaýsyzlyk döredýän bolsa, onuň biraz sowamagyna garaşmalydygyny maslahat berýär. Şeýle hem ol gyzgyn içgilerden başga-da çilim çekmegiň, alkogol kabul etmegiň we semizligiň gyzylödek düwnüginiň esasy töwekgelçilik faktorlary bolmagynda galýandygyny ýatlatdy.
Blitz