Oýun sanawy
2025-nji ýylyň oktýabryndan ýaşyl karta lotereýasyna gatnaşmak üçin $1 töleg alnar
18 Sen. 06:392025-nji ýylyň oktýabr aýynyň ortalaryndan ABŞ-nyň Döwlet departamenti ýaşyl karta lotereýasyna gatnaşmak üçin $1 möçberinde registrasiýa tölegini girizýär. Bu barada timelottery.ru habar berýär.
Mundan ozal lotereýa üçin arzany ugratmak mugt bolupdy. Täze düzgün administratiw çykdajylary — maglumat ulgamlarynyň döwrebaplaşdyrylmagy, maglumatlaryň saklanylmagy we howpsuzlyk çäreleriniň güýçlendirilmegi üçin niýetlenýär.
ABŞ-nyň hasaplamalaryna görä, bu kiçi möçberli töleg ýylyň dowamynda federal býujeti takmynan $25 million bilen üpjün eder. Töleg yzyna gaýtarylmaýar, hatda dalaşgär ýeňiş gazanmasa-da.
Ilki bilen diňe ýeňiji bolanda $330 töleg edilýärdi. Indi bolsa, her bir arzany ugratmak isleýän adam $1 tölemeli bolar.
Boundless immigrasiýa guramasy, sanly töleg mümkinçilikleri çäkli bolan adamlar üçin bu düzgüniň kynçylyk döredip biljekdigini duýdurýar.
Şeýle hem okanyň
Öte gyzgyn çaý we kofe içmek gyzylödek düwnüginiň ýüze çykmak töwekgelçiligini ýokarlandyrýar
Bugün 09:10Oksford uniwersitetiniň alymlarynyň 14 ýylyň dowamynda 1 milliona golaý adamyň maglumatlaryny seljerip geçiren barlaglaryna görä, örän gyzgyn çaýy we kofäni yzygiderli içmek gyzylödek düwnüginiň döremek töwekgelçiligini üç esse ýokarlandyryp biler. Düwnük keselini öwrenmek boýunça halkara agentligi tarapyndan 65℃ we ondan hem ýokary bolan içgiler örän gyzgyn diýlip klassifikasiýa edilýär. Günde alty we ondan köp çüýşeli şeýle içgileri kabul etmek gyzylödegiň tekiz öýjükli karsinomasynyň ýüze çykmak ähtimallygyny ep-esli artdyrýar.
Barlagyň awtorlarynyň biri, iýmit epidemiologiýasy boýunça hünärmen Keren Papýe adamlaryň köplenç içgileri 50–60°C temperaturada içýändigini we içgini içmek oňaýsyzlyk döredýän bolsa, onuň biraz sowamagyna garaşmalydygyny maslahat berýär. Şeýle hem ol gyzgyn içgilerden başga-da çilim çekmegiň, alkogol kabul etmegiň we semizligiň gyzylödek düwnüginiň esasy töwekgelçilik faktorlary bolmagynda galýandygyny ýatlatdy.
Şeýle hem okanyň
Blitz