Oýun sanawy
Türkmenistanyň Garaşsyzlygynyň 34 ýyllygynyň öňüsyrasynda, Balkan welaýatynyň Magtymguly etrabyndaky mekdeplerde baýramçylyk çäreleri geçirildi. Bu çäreler ýaş nesli watansöýüjilik ruhunda terbiýelemäge we mekdep kitaphanalarynyň işini kämilleşdirmäge gönükdirildi.
Mekdepler her biri özboluşly çäreler bilen çykyş etdiler. 1-nji orta mekdepde "Azat Diýarym — Buýsanýan Watanym" atly goşgular bäsleşigi geçirildi. 2-nji mekdep "Garaşsyzlygyň altyn güýz şöhraty" atly ir säherlik çäre gurady. 8-nji mekdepde “Agzybirligiň we durnuklylygyň owazy” atly sergi görkezildi. 13-nji mekdepde bolsa “Bagtyýarlygym Garaşsyzlykdyr” ady bilen edebi agşam geçirildi.
Çärelerde ýaşlar ýurdumyzyň ösüşine, özgertmelere hem-de Halkyň Milli Lideri Gahryman Arkadagyň we hormatly Prezident Arkadagly Gahryman Serdaryň alyp barýan giň gerimli işlerine bagyşlanan çykyşlary bilen çykyş etdiler. Bu çäreler Garaşsyzlygyň ähmiýetini has-da içgin duýmaga mümkinçilik berdi.
Döwlet baýramynyň öňüsyrasynda geçirilýän şeýle medeni çäreler jemgyýetçilik ruhuny we milli bitewüligi güýçlendirmäge hyzmat edýär.
Türkmenistanyň ylmy wekiliýeti Baku şäherinde geçirilýän Altaý jemgyýetleriniň XIV Halkara simpoziumyna gatnaşýar
10 Sen. 10:48Türkmen wekiliýeti Birinji türkologiýa sýezdiniň 100 ýyllyk baýramyna bagyşlanyp Azerbaýjanda geçirilýän Altaý jemgyýetleriniň XIV Halkara simpoziumyna gatnaşýar. Bu abraýly bilim forumy 9-njy sentýabrda öz işine başlady diýip «AZERTAJ» agentligi habar berýär.
Bu çäre Azerbaýjanyň Milli ylymlar akademiýasy we Folklor instituty tarapyndan guramaçylykly geçirilib, oňa TİKA hem-de TÜRKSOÝ ýaly halkara guramalar goldaw berýär. Maslahata Türkmenistan bilen bir hatarda Türkiýeden, Gazagystandan, Ýaponiýadan, Germaniýadan we beýleki onlarça ýurtdan wekiller gatnaşýarlar.
Halkara çäräniň gidişinde Ýewraziýa sebitiniň taryhy we medeni ösüşinde möhüm orun eýeleýän Altaý halklarynyň siwilizasiýa mirasy, taryhy hem-de medeniýeti barada giňişleýin pikir alşylýar.
Dört güne niýetlenen bu simpoziumyň çäklerinde dünýäniň 15 ýurdundan gelen alymlaryň we hünärmenleriň 121 sany ylmy hasabaty diňleniler.
Şeýle hem okanyň
Blitz