Oýun sanawy
«Kitçi» toparynyň we Türkmenistanyň milli ýygyndysynyň agzasy Ruslan Mingazow Demirgazyk Amerikada guralýan dünýä çempionatynda haýsy ýurtlaryň tarapyny tutjakdygyny we ýaryşdan nämelere garaşýandygyny mälim etdi. Futbolçynyň pikiriçe, bu gezekki halkara ýaryşy diýseň gyzykly bäsleşikleri wada berýär.
Ýarym goragçynyň aýtmagyna görä, ol ilkinji nobatda Goňşy sebitden bolan Özbegistanyň hem-de karýerasynda möhüm orun tutan Çehiýanyň ýygyndylaryna goldaw berer. Şeýle-de sportçy Marokko, Müsür, Norwegiýa we Ýaponiýa ýaly toparlaryň garaşylmadyk üstünlikleri gazanmaga ukyplydygyny aýratyn nygtady.
Çempionlyk ugrundaky esasy bäsdeşler barada durup geçmek bilen, Mingazow Braziliýanyň, Portugaliýanyň we Fransiýanyň mümkinçiliklerini has ýokary bahalandyrdy. Mundan başga-da, ol dünýäniň iň meşhur hüjümçileri bolan Neýmaryň, Ronaldunyň we Messiniň çykyşlarynyň ýaryşa aýratyn şöhrat goşjakdygyna ynanýandygyny bildirdi.
Ýatladyp geçsek, 2026-njy ýylyň dünýä birinjiligi ABŞ-nyň, Kanadanyň we Meksikanyň meýdançalarynda 48 toparyň gatnaşmagynda guralýar. Ýaryşyň çäklerinde Özbegistan K toparçasynda Portugaliýa, Kolumbiýa we Kongo DR bilen, Çehiýa bolsa A toparçasynda Meksika, GAR we Günorta Koreýa bilen güýç synanyşar.
Şeýle hem okanyň
«Altyn top – 2026» baýragyna dalaşgärleriň giňişleýin sanawy we esasy maglumatlary
09 Sen. 08:26«France Football» žurnaly 2025/26-njy ýyllaryň möwsüminiň netijeleri boýunça dünýäniň iň gowy futbolçysy diýen ada dalaş edýän 30 oýunçynyň resmi sanawyny yglan etdi.
Esasy wakalar we rekordlar:
Lionel Messi: «Inter Maýami» toparynyň 39 ýaşly hüjümçisi Argentina bilen DÇ-2026-yň finalyna çenli ýetip (Ispaniýadan 0:1 utuldy), öz karýerasynda 17-nji gezek «Altyn topa» dalaşgär görkezildi.
Kriştianu Ronaldu: 41 ýaşly portugaliýaly hüjümçi eýýäm yzygiderli dördünji gezek (jemi 18 gezek dalaşgär bolan) bu sanawa girizilmedi.
Sanawa girmän galan beýleki ýyldyzlar: Rafinýa, Pedri, Bredli Barkola, Bukaýo Saka, Martin Edegor, Dawid Raýa we Enso Fernandes ýaly belli futbolçylar 30 oýunçynyň hataryna düşüp bilmediler.
Klublar boýunça paýlanyşy:
«Pari Sen-Žermen» — 10 futbolçy (iň köp wekillik edýän topar);
«Real Madrid» we «Bawariýa» — her birinden 4 futbolçy;
«Barselona» we «Arsenal» — her birinden 3 futbolçy.
30 dalaşgäriň doly sanawy:
Jud Bellingem («Real Madrid»), Pau Kubarsi («Barselona»), Mark Kukurelýa («Real Madrid»), Usman Dembele («PSŽ»), Luis Dias («Bawariýa»), Brunu Fernandeş («Mançester Ýunaýted»), Erling Holand («Mançester Siti»), Gabriel («Arsenal»), Harri Keýn («Bawariýa»), Aşraf Hakimi («PSŽ»), Lamin Ýamal («Barselona»), Hwiça Kwarasheliýa («PSŽ»), Markinýos («PSŽ»), Sadio Mane («Al-Nasr»), Lautaro Martines («Inter Milan»), Kilian Mbappe («Real Madrid»), Nunu Mendeş («PSŽ»), Lionel Messi («Inter Maýami»), Maýkl Olise («Bawariýa»), Žoao Neweş («PSŽ»), Wilýan Paço («PSŽ»), Hulian Kinýones («Al-Kadisiýa»), Deklan Raýs («Arsenal»), Rodri («Mançester Siti» / «Barselona»), Fabian Ruis («PSŽ»), Ferran Torres («Barselona» / «PSŽ»), Wilýam Saliba («Arsenal»), Daýo Upamekano («Bawariýa»), Winisius Žunior («Real Madrid»), Witinýa («PSŽ»).
Blitz