Oýun sanawy
Türkmenistanyň Daşky gurşawy goramak ministrligi elguşlary ýurda getirmegiň we daşary ýurtlara çykarmagyň tertibini tassyklady. Täze kadalaşdyryjy resminama aw awlamak we tebigy baýlyklary goramak baradaky kanunçylygy kämilleşdirmek maksady bilen kabul edildi. Bu tertip guşlaryň serhetden geçirilmegi bilen bir hatarda, olaryň ýurduň içinde eýesini çalşyrmak meselelerini hem öz içine alýar.
Bürgütleri, laçynlary we gyrgylary döwlet serhedinden geçirmek üçin ýörite ygtyýarly edaranyň rugsady talap edilýär. Berilýän rugsadyň möhleti iki aý (60 gün) bilen çäklendirilýär. Şununda, halkara ähmiýetli СITES Konwensiýasynyň sanawyna giren seýrek guşlaryň dolanyşygy halkara kadalaryna laýyklykda amala aşyrylmalydyr.
Resminamada elguşlaryň serhetden geçirilip bilinjek anyk ýagdaýlary görkezilen. Bulara ylmy-barlag işleri, halkara derejesindäki sergiler we elguşlar bilen geçirilýän sport ýaryşlary degişlidir. Resminama almak üçin ýüz tutýan taraplar elguşuň saglyk ýagdaýy we saparyň maksady baradaky resminamalary degişli edara tabşyrmaly bolup, arzalar 30 günüň dowamynda seljerilýär.
Elguşlaryň eýeleri öz guşlaryny hökmany tertipde Daşky gurşawy goramak ministrliginde we Milli elguşçylar jemgyýetinde hasaba aldyrmalydyrlar. Bu hasaba alyş bäş iş gününiň dowamynda ýerine ýetirilýär. Täze düzgünleriň berjaý edilişine döwlet tarapyndan yzygiderli gözegçilik edilip, düzgün bozmalara görä degişli jogapkärçilik çäreleri göz öňünde tutulandyr.
Şeýle hem okanyň
Türkmenistandaly mekdep okuwçylary mental arifmetika boýunça dünýä çempionatynda uly üstünlik gazandylar
10 Sen. 11:395-7-nji sentýabr aralygynda Germaniýanyň Bilefeld şäherinde çagalaryň we ýetginjekleriň arasynda mental hasaplamak boýunça dünýä çempionaty (Junior Mental Calculation World Championship 2026) geçirildi. Bu abraýly halkara bäsleşige Hytaý, Ýaponiýa, Germaniýa we Fransiýa ýaly dünýäniň 14 döwletinden 100-den gowrak iň zehinli okuwçylar gatnaşyp, iki sagadyň dowamynda çylşyrymly matematiki amallary diňe ýatdan çözmek boýunça bäsleşdiler.
Ýurt boýunça geçirilen saýlama tapgyrdan üstünlikli geçip, bäsleşige kabul edilen 12 sany türkmen okuwçysy halkara synagda ýokary netijeleri görkezdiler. Bäsleşikde Türkmenabat şäherindäki 41-nji orta mekdebiň 7-nji synp okuwçysy hamana «Kämil Bilim» okuw merkeziniň uçurymy Mekan Nurgeldiýew Junior-1 kategoriýasynda 2477 bal toplap, dünýä boýunça 3-nji orny eýeledi. Şeýle hem ýurdumyzyň mental arifmetika boýunça milli rekordçysy Liwanur Berdiýewa Senior kategoriýasynda iň gowy 8 gatnaşyjynyň hataryna girdi.
Türkmenistanyň ýygyndy toparyna «Kämil bilim» merkeziniň mugallymlary Jahan Durdymämmedowa we Halym Annagurbanow ýolbaşçylyk etdiler. Türkmen okuwçylarynyň bu halkara ýaryşda eýeleýän ýokary orunlary eýýäm däp öwrülip, olar geçen ýyl hem iň gowy onlugyň hataryna girmegi başarypdyrlar.
Blitz