Oýun sanawy
Türkmenistanyň Prezidenti Serdar Berdimuhamedow Meksikanyň Birleşen Ştatlarynyň Prezidenti Klaudiýa Şeýnbauma ýurduň milli baýramy — Garaşsyzlyk güni mynasybetli gutlag hatyny iberdi. Bu baýram 1810-njy ýylyň 16-njy sentýabrynda başlanan azatlyk göreşine bagyşlanýar.
Prezident gutlagynda Klaudiýa Şeýnbauma berk jan saglyk we bagt, Meksika halkyna bolsa parahatçylyk, ösüş we gülläp ösüş arzuw etdi. Bu ädim Türkmenistanyň Meksika bilen dostlukly gatnaşyklary ösdürmäge uly ähmiýet berýändigini görkezýär.
Türkmenistan bilen Meksikanyň arasynda diplomatik gatnaşyklary 1992-nji ýylyň 27-nji martynda ýola goýuldy. Ilkinji syýasy geňeşmeler 2024-nji ýylyň 24-nji oktýabrynda wideoaragatnaşyk arkaly geçirildi. Meksikanyň Türkmenistandaky ilçisi Hose Luis Martinez Ernandes öz wezipelerine 2024-nji ýylyň fewral aýynda başlady.
Şeýle hem okanyň
Türkmenistanyň ylmy wekiliýeti Baku şäherinde geçirilýän Altaý jemgyýetleriniň XIV Halkara simpoziumyna gatnaşýar
10 Sen. 10:48Türkmen wekiliýeti Birinji türkologiýa sýezdiniň 100 ýyllyk baýramyna bagyşlanyp Azerbaýjanda geçirilýän Altaý jemgyýetleriniň XIV Halkara simpoziumyna gatnaşýar. Bu abraýly bilim forumy 9-njy sentýabrda öz işine başlady diýip «AZERTAJ» agentligi habar berýär.
Bu çäre Azerbaýjanyň Milli ylymlar akademiýasy we Folklor instituty tarapyndan guramaçylykly geçirilib, oňa TİKA hem-de TÜRKSOÝ ýaly halkara guramalar goldaw berýär. Maslahata Türkmenistan bilen bir hatarda Türkiýeden, Gazagystandan, Ýaponiýadan, Germaniýadan we beýleki onlarça ýurtdan wekiller gatnaşýarlar.
Halkara çäräniň gidişinde Ýewraziýa sebitiniň taryhy we medeni ösüşinde möhüm orun eýeleýän Altaý halklarynyň siwilizasiýa mirasy, taryhy hem-de medeniýeti barada giňişleýin pikir alşylýar.
Dört güne niýetlenen bu simpoziumyň çäklerinde dünýäniň 15 ýurdundan gelen alymlaryň we hünärmenleriň 121 sany ylmy hasabaty diňleniler.
Şeýle hem okanyň
Blitz