Gurbanguly Berdimuhamedow adyndaky kömeke mätäç çagalara hemaýat bermek boýunça Hayyr-sahawat gaznasynyň lukmançylyk işleri boýunça wise-prezidenti Oguljahan Atabaýewa Arkadag şäherinde gurulýan «Arkadag Medisina Klasteri» toplumynyň gurluşygy bilen tanyşdy. Bu barada «Watan» habarlary gepleşigi habar berdi.

Bu desganyň gurluşygy milli «Saglyk» maksatnamasynyň çäklerinde alnyp barylýar. Saparyň dowamynda wise-prezident halkara sergide — «Kids Expo: Çagalar üçin hemme zat!» — görkeziljek sergi diwarlarynyň dizaýn çözgütleri bilen hem tanyşdy.

Arkadag şäheriniň gurluşygy boýunça Döwlet komitetiniň başlygy Dowran Orazow Oguljahan Atabaýewa gurluşyk işleriniň ýagdaýy we taslamanyň resminamalary boýunça giňişleýin maglumat berdi.

Oguljahan Atabaýewa şäherdäki ähli desgalar ýaly lukmançylyk klasterinde hem dünýäniň öňdebaryjy tejribesiniň we ýokary hil ölçegleriniň ornaşdyrylmalydygyny belledi. Şeýle hem «Arkadag Medisina Klasteri Menejment» kärhanasynyň geljekde çykarmagy meýilleşdirýän önümleri barada maglumat berildi.

Wise-prezident önümleriň ýokary hilli bolmagynyň we olaryň çagalaryň sagdyn ösüşi üçin ähmiýetiniň aýratyn möhümdigini nygtady.