Oýun sanawy
Ahal, Balkan we Mary welaýatlarynda demirýol stansiýalarynyň döwrebap binalary gurlar
25 Iýul. 07:27Türkmenistanyň Ahal, Balkan we Mary welaýatlarynda demirýol stansiýalarynyň döwrebap binalary gurlar. Bu barada sanly ulgam arkaly geçirilen Hökümet mejlisiniň dowamynda wise-premýer B.Annaýewiň demir ýol ulaglary pudagyny kämilleşdirmek boýunça alnyp barylýan işler baradaky hasabatynda bellenildi.
«Watan» habarlar gepleşiginde habar berlişi ýaly, ýurduň demir ýol ulaglary pudagynyň işiniň netijeliligini artdyrmak we işgärler üçin oňaýly şertleri döretmek maksady bilen degişli teklipler hödürlendi. Türkmenistanyň Prezidenti hödürlenen teklipleri doly makullap, Ahal, Balkan we Mary welaýatlarynda demir ýol stansiýalarynyň täze binalaryny gurmak boýunça degişli işleri geçirmegi wise-premýere tabşyrdy.
Şeýle hem okanyň
Öte gyzgyn çaý we kofe içmek gyzylödek düwnüginiň ýüze çykmak töwekgelçiligini ýokarlandyrýar
Bugün 09:10Oksford uniwersitetiniň alymlarynyň 14 ýylyň dowamynda 1 milliona golaý adamyň maglumatlaryny seljerip geçiren barlaglaryna görä, örän gyzgyn çaýy we kofäni yzygiderli içmek gyzylödek düwnüginiň döremek töwekgelçiligini üç esse ýokarlandyryp biler. Düwnük keselini öwrenmek boýunça halkara agentligi tarapyndan 65℃ we ondan hem ýokary bolan içgiler örän gyzgyn diýlip klassifikasiýa edilýär. Günde alty we ondan köp çüýşeli şeýle içgileri kabul etmek gyzylödegiň tekiz öýjükli karsinomasynyň ýüze çykmak ähtimallygyny ep-esli artdyrýar.
Barlagyň awtorlarynyň biri, iýmit epidemiologiýasy boýunça hünärmen Keren Papýe adamlaryň köplenç içgileri 50–60°C temperaturada içýändigini we içgini içmek oňaýsyzlyk döredýän bolsa, onuň biraz sowamagyna garaşmalydygyny maslahat berýär. Şeýle hem ol gyzgyn içgilerden başga-da çilim çekmegiň, alkogol kabul etmegiň we semizligiň gyzylödek düwnüginiň esasy töwekgelçilik faktorlary bolmagynda galýandygyny ýatlatdy.
Blitz