Hytaýyň Sian şäheriniň ýaşaýjysy Çžao Çen ömründe birinji gezek ýeke özi howa arkaly ýola çykýan gaýynenesine kömek etmegiň özboluşly usulyny oýlap tapdy. 60 ýaşdan geçen zenan diňe bir sowatsyz bolman, eýsem Hytaýyň iň giň ýaýran resmi gepleşik dili bolan mandarin dilinde hem gepläp bilmeýärdi. Howaýollary kompaniýasynda ýörite ugrukdyryjy hyzmatynyň ýokdugy sebäpli, Çžao bu meseläni döredijilikli çözmegi ýüregine düwdi.

Oglan gaýnenesiniň ýoltorbasyna uçuş maglumatlaryny, onuň ýagdaýyny düşündirýän we beýleki ýolagçylardan kömek soralýan uly haty ýelmedi. Hatyň mazmunynda: «Eger ony görseňiz, haýyş edýärin, kömek ediň we özüňizi meniň dostum hökmünde tanyşdyryň. Onuň ýanyndaky gyzyl kartyň üstündäki QR-kody skanirlemek arkaly gyssagly maglumatlary alyp bilersiňiz» diýen sözler bardy. Çžao bu barada sosial ulgamlarda hem habar goýdy we ol gysga wagtyň içinde millionlarça adama ýetdi.

Bu täsirli başlangyç öz miwesini berdi we şol uçuş bilen ugraýan 21 ýaşly Leý atly talyp zenana kömek etmäge taýýardygyny bildirdi. Talyp uçuş wagtynda garry zenanyň ýagdaýyny yzygiderli gözegçilikde saklady we howa menzilinde ony garaşyp duran ogluna elin gowşurdy. Ýaş ýigit hatda hyzmaty üçin hödürlenen puldan we taksi töleginden hem ýüz öwürdi. Bu waka jemgyýetde adamyň adama bolan mährini we ýaş nesliň ululara bolan hormatyny ýene bir gezek subut etdi.

Aslynda Çžao Çeniň özi 11 ýyl bäri garry adamlara kömek edýän işjeň meýletinçi hökmünde tanalýar. Gyzyl kart we QR-kod arkaly maglumat bermek pikiri hem oňa degişli bolup, ol muny köçede ýöremekde kynçylyk çekýän ýaşuly nesiller üçin oýlap tapypdyr. Bu waka häzirki zaman tehnologiýalarynyň we ynsanperwerligiň utgaşmagy netijesinde islendik kynçylygyň ýeňlip geçilip bilinjekdiginiň ajaýyp nusgasydyr.