«Reddit» platformasynyň PickentCode lakamly ulanyjysy daşarky elektrik toguny we batareýany талап etmän işleýän özboluşly ykjam kompýuter enjamyny oýlap tapdy. Bu innowasion enjam özüne gerekli bolan elektrik energiýasyny ýylylyk tapawudyndan alýan kiçi göwrümli Stirling motory hamda uçar generator arkaly özbaşdak öndürýär.

Taslamanyň awtory enjamyň korpusyny agaçdan taýýarlap, onda motoryň oýlap tapyjysy Robert Stirlingiň resmini lazer bilen oýup ýerleşdirdi. Enjamyň tehniki binýadyna 2,42 dýuýmlyk ak-gara ekran, 16 düwmeli klawiatura we ESP32 C3 mikrokontrolleri girýär. Motor tarapyndan öndürilýän togy durnuklaşdyrmak üçin bolsa ýörite kondensatorlar hem-de woltmetrler ulanyldy.

Enjamda energianyň sarp edilişini minimal derejä düşürmek maksady bilen, awtor Wi-Fi we Bluetooth modullaryny öçürdi hem-de prosessoryň tizligini mümkin boldugyça haýallatdy. Şeýle çäklendirmelere garamazdan, kompýuter doly funksionallykda işleýär we «Tetris», «Snake», «Pong» ýaly oýunlary bökdençsiz işletmäge mümkinçilik berýär.

Bu taslama amatly we daşky gurşawa zyýansyz alternatiw energiýa çeşmelerini kiçi göwrümli elektronika enjamlarynda peýdalanmagyň durnukly mümkinçiliklerini aýdyň görkezýän özboluşly tehniki üstünlige öwrüldi.