Oýun sanawy
3–4-nji oktýabrda Aşgabatda Koreýa medeniýetiniň festiwaly geçiriler
24 Sen. 08:00Aşgabadyň ýaşaýjylary we myhmanlary 3–4-nji oktýabr aralygynda geçiriljek Koreýa medeniýet festiwalyna gatnaşmaga çagyrylýar. Çäräni Koreýa Respublikasynyň Türkmenistandaky ilçihanasy guramaçylyk edýär.
Ilçihananyň maglumatyna görä, bu çäre iki ýurduň halklarynyň arasynda medeni gatnaşyklary pugtalandyrmaga gönükdirilendir.
3-nji oktýabrda, sagat 17:00-da, «Arkaç» söwda we dynç alyş merkezinde koreý medeniýetine bagyşlanan çäre geçiriler. Onda:
-
Hangeul elipbiýi bilen adyňy ýazmagy öwredýän kaligrafiýa sapaklary,
-
Koreý halk lybasy bolan hanbogy geýip görmek mümkinçiligi,
-
«Koreýa syýahaty» atly fotosurat zolagy,
-
ýurduň medeni mirasyny görkezýän sergiler bolar.
4-nji oktýabrda, sagat 19:00-da, Magtymguly adyndaky Milli sazly-drama teatrynyň sahnasynda konsert guralar. Onda Türkmenistanyň Döwlet simfoniki orkestri bilen bilelikde çykyş ederler:
tenor jenap Kwon Hwapýong we metso-soprano hanym Kwon Minji.
Ähli çäreler üçin giriş mugt.
Şeýle hem okanyň
Öte gyzgyn çaý we kofe içmek gyzylödek düwnüginiň ýüze çykmak töwekgelçiligini ýokarlandyrýar
Bugün 09:10Oksford uniwersitetiniň alymlarynyň 14 ýylyň dowamynda 1 milliona golaý adamyň maglumatlaryny seljerip geçiren barlaglaryna görä, örän gyzgyn çaýy we kofäni yzygiderli içmek gyzylödek düwnüginiň döremek töwekgelçiligini üç esse ýokarlandyryp biler. Düwnük keselini öwrenmek boýunça halkara agentligi tarapyndan 65℃ we ondan hem ýokary bolan içgiler örän gyzgyn diýlip klassifikasiýa edilýär. Günde alty we ondan köp çüýşeli şeýle içgileri kabul etmek gyzylödegiň tekiz öýjükli karsinomasynyň ýüze çykmak ähtimallygyny ep-esli artdyrýar.
Barlagyň awtorlarynyň biri, iýmit epidemiologiýasy boýunça hünärmen Keren Papýe adamlaryň köplenç içgileri 50–60°C temperaturada içýändigini we içgini içmek oňaýsyzlyk döredýän bolsa, onuň biraz sowamagyna garaşmalydygyny maslahat berýär. Şeýle hem ol gyzgyn içgilerden başga-da çilim çekmegiň, alkogol kabul etmegiň we semizligiň gyzylödek düwnüginiň esasy töwekgelçilik faktorlary bolmagynda galýandygyny ýatlatdy.
Şeýle hem okanyň
Blitz