Oýun sanawy
Ýaş türkmen küştçüleri Merkezi Aziýa Çempionatynda taryhy ikinji orny eýelediler
20–29-njy iýul aralygynda Gyrgyzystanyň Çolpon-Ata şäherinde nusgawy reglament boýunça ýaş oglan-gyzlaryň arasynda Merkezi Aziýanyň küşt çempionaty geçirildi. Bu ýaryş sebitiň iň zehinli ýaş küştçülerini bir ýere jemläp, oglan-gyzlaryň arasynda 8, 10, 12, 14, 16 we 18 ýaş çenli 12 dereje boýunça geçirildi.
Türkmen milli ýygyndysynyň çykyşynyň aýratyn buýsandyrýandygy bellenilmäge mynasypdyr. Milli ýygyndymyz 2 altyn, 3 kümüş we 1 bürünç medal gazanyp, umumy toparlaýyn hasapda hormatly ikinji orna mynasyp boldy.
1-nji orny 16 medal (şolardan 6-sy altyn) gazanan Özbegistanyň ýygyndy topary eýeledi. Gyrgyzystanyň ýygyndysy hem 6 medal (2 altyn we 4 bürünç) bilen Türkmenistan bilen deňleşdi. Emma olar kümüş medallaryň sany boýunça yza galdy. Gazagystan 6 medal (1 altyn, 5 kümüş), Täjigistan bolsa 1 altyn we 1 bürünç medal bilen ilkinji bäşligi jemledi.
Şeýle hem, Merkezi Aziýanyň bäş ýurdundan Türkmenistanyň iň az wekiliýet bilen gatnaşandygyny bellemek möhümdir. Çempionata bary-ýogy 15 türgen gatnaşyp, olaryň 6-sy medal gazanmagy başadylar, bu bolsa türgenlerimiziň ýokary netijeliliginiň subutnamasydyr. Gyrgyzystan 192 gatnaşyjy bilen iň köp sanly topar boldy. Özbegistan – 129, Gazagystan – 72, Täjigistan – 17 türgen bilen gatnaşdy. Çempionata jemi 425 ýaş oglan-gyz gatnaşdylar.
🏅 Türkmenistandan ýeňijiler we baýrak eýeleri:
- Çaryýew Çaryhekim («Küşt Älemi» akademiýasy, Aşgabat) — altyn, 8 ýaşa çenli oglanlar (9-dan 8 utuk)
- Çaryýewa Anna (Mary welaýaty) — altyn, 8 ýaşa çenli gyzlar (9-dan 7.5 utuk)
- Awlyýakulyýew Maksat (Lebap welaýaty) — kümüş, 10 ýaşa çenli oglanlar (9-dan 7.5 utuk)
- Batyrow Alyhan (Mary welaýaty) — kümüş, 12 ýaşa çenli oglanlar (9-dan 7 utuk)
- Rejepowa Jahan (Lebap welaýaty) — kümüş, 16 ýaşa çenli gyzlar (9-dan 7.5 utuk)
- Myradowa Nebahat (Lebap welaýaty) — bürünç, 14 ýaşa çenli gyzlar (9-dan 6 utuk)
Şeýle hem medal gazanmaga örän ýakyn bolan, ýekeje utuk ýetmedik türgenlerimiziň arasynda Läle Wepaewa (10 ýaşa çenli gyzlar, 9-dan 6 utuk) we Ali Ahmetow (14 ýaşa çenli oglanlar, 9-dan 6 utuk) 4-nji orunlary eýelediler.
Şeýle hem okanyň
Iň köp görülen
«Altyn Asyr» «Al-Şabab» bilen oýunda ýeňildi, ýöne çärýek final mümkinçilikleri saklanyp galdy
AFK Kysga Ligasynyň topar tapgyrynyň üçünji oýnunda Türkmenistanyň «Altyn Asyr» kluby Oman «Al-Şabab» toparyna 1:3 hasabynda ýeňildi. «Altyn Asyr» toparynyň ýeke-täk goluny 29-njy minutda Zafer Babadžanow geçirdi. «Al-Şabab» toparyndan Hatem Al-Ruşadi 53-nji we 90+2-nji minutlarda iki gol geçirdi, Hanaan Markne bolsa 45-nji minutda hasap goşdy.
Bu ýeňiş «Al-Şabab» üçin çärýek finalda oýnamagy kepillendirdi, «Altyn Asyr» bolsa toparda ikinji orny saklap, pleý-offa çykmak mümkinçiliklerini saklady. Günbatar zonanyň iň gowy ikinji topary bolmak üçin «Altyn Asyr» «Al-Sib» (Oman) – «Al-Ansar» (Liwan) oýnunda deňlik bolmagyny ýa-da «Al-Kuwait» toparynyň Bangladeşden bolan «Bashundhara Kings» garşy utuk ýitirmelidigini garaşmaly.
Topar tapgyrynyň öňki duşuşyklarynda «Altyn Asyr» iki ýeňiş gazandy: Gyrgyzystanyň «Abdyş-Ata» (1:0) we Butanyň «Paro» (3:1) garşylykly oýunlarynda.
2025/26 möwsüminde AFK Kysga Ligasynda 20 klub çykyş edýär we olar Günbatar we Gündogar zonalara bölünendir. Oýunlar merkezleşdirilen görnüşde geçirilýär — her topar garşydaşlary bilen bir gezek duşuşýar. Her klub topar tapgyrynda çykyş edeni üçin 100 müň ABŞ dollary alýar.
Çärýek finala 8 topar çykýar: üç topar ýeňijisi we Günbatar zonavdan iň gowy ikinji orundaky topar, şeýle hem Gündogar zonavdan iki iň gowy topar. Çärýek final oýunlary martda, ýarym final aprel 2026-da, final bolsa 9-njy maýda geçiriler.
Öňki möwsümiň ýeňijisi Türkmenistanyň çempiony «Arkadag» kluby boldy.
Blitz