Google kompaniýasy Android Auto üçin Google Maps kartasynda Immersive Navigation funksiýasyny tapgyrlaýyn ornaşdyrmaga başlady.

Täze ulgam 3D kartany ulanýar hem-de beýik jaýlary dury görkezip, olaryň aňyrsyndaky ýollaryň görünmegini üpjün edýär. Bu bolsa sürüjilere çylşyrymly öwrümlerde we çatryklarda ugur tapmagy ep-esli ýeňilleşdirýär. Güncellenme häzirki wagtda diňe ulanyjylaryň bir bölegi üçin elýeterli, şonuň üçin programmanyň birmeňzeş wersiýalarynda hem interfeýs tapawutlanyp biler.

Täze nawigasiýanyň esasy aýratynlyklary:

3D görnüş: Binalaryň, geçelgeleriň we relýefiň 3D görnüşinde görkezilmegi.

Ýol maglumatlary: Ýol zolagy, ýolçyraklar, pyýada geçelgeleri we duralga belgileri öwrümden öň görkezilýär.

Awtomatiki ölçeg: Kartanyň ölçegi awtomatiki usulda sazlanýar we ýoluň giň görnüşini üpjün edýär.

Görünýän tapawutlar: Nawigasiýa alternatiw ýollaryň arasyndaky tapawutlary (tizlik, tölegli ýollar, dykynlary aýlanyp geçmek) düşündirýär.

Street View binýady: Islendik ýere baryp ýetmänkäňiz, oňa haýsy tarapdan dogry baryp boljakdygyny алnyňyzdan görmäge mümkinçilik döredýär.

Bu funksiýa Ilki bilen ABŞ-da ýaýradylyp başlandy. Kompaniýa geljekde onuň elýeterliligini Android we iOS enjamlaryna, Apple CarPlay-a we Google built-in ulgamly awtoulaglara giňeltmegi meýilleşdirýär. Beýleki ýurtlarda funksiýanyň işe giriziljek seneleri heniz yglan edilmedi.

Şeýle hem, Google programma gurnalan spidometriň diňe maglumat berijidigini we onuň görkezijileriniň ulagyň dolandyryş panelindäki maglumatlardan tapawutlanyp biljekdigini ýatladýar.