Oýun sanawy
Sardiniýada kenardan 40 kg çäge ogurlan fransiýaly syýahatçy zenan saklandy
27 Maý. 16:51Italiýanyň Sardiniýa adasynda 69 ýaşly fransiýaly syýahatçy zenan suwa düşülýän kenardan 40 kilogram çäge, daş we balykgulak äkitmäge synanyşandygy üçin gümrük gullugynyň işgärleri tarapyndan tussag edildi. Blue News portalynyň maglumatyna görä, bikanun ýükli zenan Sardiniýadan Tulona (Fransiýa) ugraýan paroma münjek bolup durka saklandy.
Derňewleriň netijesinde, zenanyň bu tebigy baýlyklary Sardiniýanyň demirgazygynda ýerleşýän meşhur Le-Salin kenaryndan ýygnandygy anyklandy. Sebitiň berk kanunçylygyna görä, kenardan çäge ýa-da daş almak gadagan edilendir. Kanun bozyjy zenana 500 ýewrodan 3 000 ýewro çenli jerime garaşýar, geçirilen çäge we daşlar bolsa ýerine — kenara gaýtarylyp döküler.
Şeýle hem okanyň
Russiýanyň paýtagtynda iň uzak ýaşly ýaşaýjylaryň ýaş görkezijileri aýan edildi
10 Sen. 08:16Moskwa şäherinde häzirki wagtda iň uly ýaşly zenan ýaşaýjynyň 108 ýaşy, iň uly ýaşly erkek ýaşaýjynyň bolsa 105 ýaşy doldy. Bu barada şäheriň Zähmet we ilaty sosial taýdan goramak edarasyna salgylanmak bilen «Gazeta.ru» neşiri habar berýär.
Hünärmenleriň çaklamalaryna görä, Moskwada ortaça ömür dowamlylygy 2026-njy ýylda 80 ýaşdan gowrak bolar. Ýaşaýjylaryň ömür dowamlylygynyň mundan beýläk-de artmagy öňüni alyş lukmançylygynyň kämilleşmegi, emeli aň tilsimleriniň ornaşdyrylmagy hem-de şäher infrastrukturasynyň ösmegi bilen baglanyşdyrylýar.
Russiýa Federasiýasy boýunça ilatyň iň uzak ýaşaýan sebitleriniň sanawynda Inguşetiýa Respublikasy birinji orny eýeleýär. Şeýle hem ýokary görkezijili sebitleriň hataryna Dagystan, Moskwa şäheri, Kabardin-Balkar we Garaçaý-Çerkez respublikalary girdi.
Blitz