Oýun sanawy
Aşgabatda Türkmenistanyň Garaşsyzlygynyň 34 ýyllygyna bagyşlanyp giň gerimli konsert dabarasy geçirildi. Bu şanly çärä hormatly myhman hökmünde Prezident Serdar Berdimuhamedow hem gatnaşdy.
Mejlisler merkezinde guralan dabaraly çärede hökümet agzalary, halkara guramalaryň wekilleri, daşary ýurtly diplomatlar, ýaşlar, döredijilik işgärleri we beýleki myhmanlar ýygnandy. Baýramçylyk mynasybetli ýurdumyzyň daşary ýurtlardan gelen myhmanlary hem dabaranyň hormatly tomaşaçylary boldular.
Konsertde milli ruhubelentlik bilen ýerine ýetirilen aýdymlar, täze döredilen sahna çykyşlary we dürli žanrly eserler diňleýjileriň dykgatyna ýetirildi. Garaşsyzlyk baýramy — ýurduň ösüşiniň we halkara derejesinde gazanan üstünlikleriniň dabaralanmasydyr.
Sahna ussatlary, folklor toparlary we meşhur estrada ýyldyzlary öz ussatlyklaryny görkezdiler. Dabaranyň jemleýji pursatynda ähli çykyş eden artistler bilelikde “Garaşsyz Diýarly, Arkadagly Serdarly baky bagtyýar türkmen!” atly aýdymy ýerine ýetirdiler.
Şeýle hem okanyň
Wenesiýa halkara kinofestiwalynda režissýor Alek Gibni tarapyndan düşürilen, telekeçi Ilon Maskyň ömri we işi baradaky dokumental filminiň ilkinji görkezilişi geçirildi. Bäsleşikden daşgary görkezilen we takmynan dört sagat dowam edýän bu kinofilmiň golaýda Toronto halkara kinofestiwalynda hem görkezilmegi, 16-njy oktýabrda bolsa dünýä kinoteatrlaryna çykarylmagy meýilleşdirilýär.
Filmi döredijiler tarapyndan köpçülige hödürlenen tizer-wideo rolikde milliarder barada dürli garşylykly pikirler beýan edilýär. Onda käbir hünärmenler Masky häzirki döwrüň beýik oýlap tapyjysy diýip atlandyrsa, beýlekiler ony hereketini öňünden çaklap bolmaýan, rehimsiz we egoist adam hökmünde häsiýetlendirýärler. Tizer kosmos gämisiniň partlamagy we Maskyň «ýadro bombasy» bilen deňeşdirilmegi bilen tamamlanýar.
Tizerde Talking Heads toparynyň öňki solisti Dewid Birniň täze aýdymy ýaňlanýar. Kinoteatrlardaky resmi görkezilişleri tamamlanandan soňra, bu dokumental film HBO we Max striming platformalarynda tomaşaçylara hödürlener.
Şeýle hem okanyň
Blitz