Oýun sanawy
Hindistanyň Aşgabatdaky ilçihanasy ýoga mugallymy wezipesine arzalary kabul edýär
04 Awgust. 09:56Hindistanyň ilçihanasy Ýoga boýunça ýerli hünärmen (Local Resource Person for Yoga) wezipesine arzalary kabul etmäge çagyrýar. Söhbeteşlikden geçen hünärmen ilçihananyň binasynda hem-de Aşgabat şäherindäki «Bagtyýarlyk» sport toplumynda yzygiderli ýoga sapaklaryny geçirer.
Kandidatlara goýulýan esasy talaplar: ýaşy 25-den 50-ä çenli bolmaly, ýokary bilimli (iň azyndan bakalawr), fiziki we ruhy taýdan sagdyn hem-de türkmen, rus we iňlis dillerini kämil bilmeli. Talap edilýän hünär derejesi: ýoga boýunça iň azyndan 3 ýyllyk ýokary bilimi we 3 ýyllyk mugallymçylyk tejribesi bolmaly ÝA-DA abraýly edaradan/gurudan ýoga boýunça iň azyndan 2 ýyllyk diplom/şahadatnamasy we 4 ýyllyk zähmet tejribesi bolmaly. Şeýle hem ýoganyň taryhy hem-de filosofiýasy boýunça çeňňe bilimi bolmalydyr. Kompýuter sowatlylygy, audio/wideo bilen işlemek we köpçüligiň öňünde çykyş etmek başarnyklary göz öňünde tutulýandyr.
Isleg bildirýänler öz arzalaryny, (CV), zähmet tejribesini we bilimi baradaky resminamalaryny Hindistanyň ilçihanasyna şu salgy boýunça iberip bilerler: Halkara biznes merkezi, Ý. Emre köçesi 1, Mir 2/1, P.O. Вox № 80, Aşgabat-744017, Türkmenistan. Arzalary kabul etmegiň enjamlaşdyryjy iň sonky güni 2026-njy ýylyň 14-nji awgustydyr. Goşmaça maglumatlary iş günleri sagat 09:00-13:00 we 14:00-17:30 aralygynda 456152, 456153 telefon belgileri ýa-da int.ashgabat@mea.gov.in / pic.ashgabat@mea.gov.in elektron poçtalary arkaly alyp bolar.
Şeýle hem okanyň
Mary welaýatynda ýylda 50 müň tonna önüm öndürmäge ukyply täze süýt gaýtadan işleýän kärhana dabaraly açyldy
26 Okt. 10:04Mary welaýatynyň Mary etrabynyň «Täze Oba» daýhan birleşiginiň çäginde ýylda 50 müň tonna süýdi gaýtadan işlemäge niýetlenen döwrebap önümçilik toplumy dabaraly ýagdaýda ulanyşa berildi. Täze senagat desgasynyň açylyş dabarasyna ýerli häkimiýet edaralarynyň, jemgyýetçilik guramalarynyň, syýasy partiýalaryň wekilleri, senagat kärhanalarynyň hünärmenleri, talyplar ham-da hormatly ýaşulular gatnaşdylar. Bu döwrebap toplum sebitiň azyk senagaty kuwwatyny ep-esli artdyrmaga uly goşant goşar.
Täze zawodyň gurluşyk işleri hususy telekeçi Guwançmyrat Orazowa hemişelik ulanmak üçin bölünüp berlen 3,5 gektar meýdanda alnyp baryldy. Taslamanyň baş potratçysy hökmünde ýurduň öňdebaryjy «Täze Aý Önümleri» hojalyk jemgyýeti çykyş etdi, alnyp barylan gurluşyk işleri bolsa Türkiýe Respublikasynyň ýöriteleşdirilen kompaniýasy tarapyndan enjamlaşdyrylan metal gurluşlar we kämil materiallar bilen üpjün edildi.
Kärhana iň döwrebap tehnologik liniýalar, önümçilik sehler hem-da barlaghana-gözegçilik bölümleri bilen doly üpjün edilendir. Bu ýokary tehnologik enjamlar köp görnüşli süýt we gatyk önümlerini öndürmäge, amallaryň netijeliligini ýokarlandyrmaga we önümleriň peýdaly häsiýetlerini saklamak bilen olaryň saklanyş möhletini uzaltmaga mümkinçilik berýär. Desganyň ulanyşa girizilmegi içerki bazary ýerli önümler bilen bökdençsiz üpjün etmäge hem-da sebitde täze iş orunlaryny döretmäge şert döredýär.
Blitz