Oýun sanawy
Soňky 25 ýylyň dowamynda "Dragon Oil" kompaniýasy Türkmenistandaky taslamalaryna $11 milliarddan gowrak serişde gönükdirdi. Bu barada kompaniýanyň marketing we döwlet bilen aragatnaşyklar boýunça müdiri Said Al Şamsi Awazada geçirilýän Türkmenistanyň maýa goýum forumynda aýtdy.
Şol döwürde kompaniýa 440 million barrelden gowrak nebit çykaryp, hyzmatdaşlygyň durnukly ösýändigini görkezdi.
Said Al Şamsi kompaniýanyň bilim, saglyk, medeniýet we sport ugurlarynda amala aşyran taslamalaryna $250 milliondan gowrak serişde goýberilendigini belläp geçdi. Bu bolsa "Dragon Oil" kompaniýasynyň ýerli jemgyýetlere uzak möhletleýin goldaw görkezýändigine şaýatlyk edýär.
Onuň sözlerine görä, Türkmenistandaky 2200-den gowrak işgärleriň 93%-i ýurduň raýatlary bolup durýar. Bu bolsa milli iş güýjüne berilýän uly ähmiýeti görkezýär.
“Dragon Oil” 2000-nji ýyldan bäri Hazar deňzindäki Çeleken şertnama zolagynda önümi paýlaşmak ylalaşygynyň esasynda iş alyp barýar.
Şeýle hem okanyň
Türkmenistanyň Döwlet migrasiýa gullugynyň wekilleri Hytaýda geçirilen halkara forumyna gatnaşdylar
09 Sen. 10:34Türkmenistanyň Döwlet migrasiýa gullugynyň wekilleri Hytaý Halk Respublikasynda geçirilen «Migrasiýa gözegçiligi ulgamyndaky hyzmatdaşlyk meseleleri boýunça kiçi foruma» gatnaşmak üçin iş saparyny amala aşyrdylar. Gullugyň resmi saýtynda habar berlişi ýaly, forumyň çäklerinde Lýanyan şäherinde Hytaýyň Migrasiýa işleri boýunça müdirliginiň wekilleri bilen ikitaraplaýyn duşuşyk geçirildi. Gepleşikleriň dowamynda taraplar hyzmatdaşlygyň täze ugurlaryny kesgitlemek hem-de özara bähbitli gatnaşyklary ösdürmek üçin yzygiderli duşuşyklaryň täsirini nygtadylar.
Duşuşykda migrasiýa ulgamyndaky hyzmatdaşlygyň geljegi, ileri tutulýan ugurlar hem-de halkara guramalaryň çäklerindäki özara gatnaşyklaryň orny barada pikir alşyldy. Taraflar däp bolan dostlukly gatnaşyklaryň mundan beýläk-de sazlaşykly ösdüriljekdigine ynam bildirip, geljekki bilelikdäki işlerde üstünlikleri arzuw etdiler.
Şeýle hem okanyň
Blitz