Türkmenistanyň paýtagtynda geçiriljek «Kids Expo 2026» halkara sergi-ýarmarkasynyň çäklerinde halkara media hyzmatdaşlygyny ösdürmäge uly üns berler. Awgust aýynyň ortalarynda Aşgabat şäherindäki Söwda-senagat edarasynyň Sergi zalynda guraljak bu giň gerimli foruma Russiýanyň meşhur «Soýuzmultfilm» kinostudiýasynyň wekillik topary gatnaşar. Daşary ýurtly hünärmenleriň gelişi serginiň işewürlik böleginiň esasy wakalarynyň birine öwrüler.

Gepleşikleriň dowamynda türkmen telekeçileri, bilim edaralarynyň wekilleri hem-de mediapromyşlennost pudagynyň hünärmenleri bilen köpsanly duşuşyklary geçirmek göz öňünde tutulýar. Bütindünýä meşhurlyga eýe bolan animasion kompaniýanyň wekilleri Türkmenistanyň hyzmatdaşlary bilen bilelikdäki taslamalary amala aşyrmak, lisenziýa şertnamalaryny baglaşmak hem-de çagalar üçin niýetlenen animasion mazmunlary ösdürmek boýunça giňişleýin pikir alşarlar.

Russiýanyň öňdebaryjy mediaholdingi bolan «Soýuzmultfilm» diňe bir multfilmleri öndürmän, eýsem özüniň teleradioýaýlymlaryny, lisenziýa agentliklerini hem-de bilim-güýmenje platformalaryny üstünlikli dolandyrýar. Taryhy 1936-njy ýyldan gözbaş alýan bu iri studiýa şanly 90 ýyllyk ýubileýini bellenilýän ýylynda halkara hyzmatdaşlyk çäklerini giňeltmäge we sebitdäki hyzmatdaşlygy berkitmäge uly gyzyklanma bildirýär.

Aşgabatda geçiriljek «Kids Expo 2026» halkara sergi-ýarmarkasy Türkmenistanyň Söwda-senagat edarasy hem-de «Turkmen Expo» kompaniýasy tarapyndan bilelikde gurallaryp, ol awgust aýynyň 19-y bilen 22-si aralygynda dowam eder. Bu çäre ýurduň çagalar senagaty, bilim we animatsiýa ulgamynda täze halkara gatnaşyklary ýola goýmaga giň mümkinçilik döreder.