Hytaýyň milli nebitgaz korporasiýasynyň («CNPC») Türkmenistandaky şahamçasy «Galkynyş» gaz känini özleşdirmegiň dördünji tapgyrynyň çäklerinde amala aşyrylýan iri göremli taslama üçin boş iş orunlaryny yglan etdi. Bu taslama ýylda 10 milliard kub metr harytlyk gaz öndürmäge niýetlenen desgalaryň we guýularyň gurluşygyny öz içine alýar. Iş orunlary Aşgabat we Mary şäherlerinde ýerleşer.

Kompaniýa hünärmenleriň giň toparyny, şol sanda hukukçylary, inženerleri, IT-tehniklerini, terjimeçileri we dürli hyzmat ediş işgärlerini işe çagyrýar. Ähli dalaşgärler üçin degişli ugur boýunça azyndan 3 ýyllyk iş tejribesiniň bolmagy we rus dilini suwara bilmek hökmany talapdyr. Hytaý dilini bilýän hünärmenlere artykmaçlyk berler.

Dalaşgärleriň resminamalary bildiriş çap edilen gününden (12-nji maýdan) başlap 30 günüň dowamynda kabul ediler. Gyzyklanma bildirýänler öz maglumatnamalaryny we anketalaryny Aşgabat şäheriniň Bitarap Türkmenistan şaýolundaky 553/3-nji jaýa tabşyryp bilerler. Söhbetdeşlige diňe saýlawyň ilkinji tapgyryndan geçen hünärmenler çagyrylar.