Oýun sanawy
Dünýä futbolynyň rowaty Kriştianu Ronaldunyň uly ogly – 15 ýaşly kiçi Kriştianu Ronaldu kakasynyň iň şöhratly ýyllaryny geçiren Madridiň «Real» klubyna dolanyp geldi. «The Athletic» neşiriniň habar bermegine görä, ýaş zehin häzirki wagtda klubyň akademiýasynda tälim beriş işlerini geçirýär. Bu waka sport jemgyýetçiliginde uly gyzyklanma döredip, geljekde ýaş futbolçynyň «karollyk klubynyň» hataryna doly goşulmagy baradaky çoluklary güýçlendirdi.
Häzirki wagtda kiçi Kriştianu 16 ýaşyna çenli bolan oýunçylaryň topary bilen işjeň meşgullanýar. Ol mundan ozal kakasynyň 2023-nji ýyldan bäri çykyş edýän Saud Arabystanynyň «Al-Nasr» klubynyň akademiýasynda tälim alýardy. Ýaş oýunçynyň Madridde görünmegi, onuň hünär derejesini ýokarlandyrmak we Ýewropanyň iň güýçli futbol mekdepleriniň birinde özüni görkezmek isleýändiginden habar berýär.
Kiçi Ronaldunyň futbol ýoly kakasynyň karýerasy bilen berk baglydyr. Ol ozal kakasynyň çykyş eden «Mançester Ýunaýted» we «Ýuwentus» ýaly meşhur klublaryň akademiýalarynda hem üstünlikli tälim alypdy. 2025-nji ýylyň maý aýynda ýaş futbolçy Portugaliýanyň 15 ýaşyna çenli milli ýygyndysyna çagyryldy we Horwatiýada geçirilen ýaryşda uly sepgitlere ýetdi. Final oýnunda dubl hasaba alyp, öz toparynyň ýeňşine uly goşant goşmagy, onuň geljeginiň barlygyny subut etdi.
Uly Kriştianu Ronaldu «Real Madridiň» taryhynda öçmejek yz galdyran futbolçydyr. Ol bu klubyň düzüminde 438 oýunda 450 gol urup, komandanyň taryhyndaky iň oňat bombardir bolmagy başarypdy. Indi bolsa onuň oglunyň şol bir meýdançada tälim almagy, futbol janköýerlerinde täze umytlary oýarýar. Kiçi Ronaldunyň milli ýygyndynyň 17 ýaşyna çenli düzümine hem çekilmegi, onuň ýakyn ýyllarda dünýä futbolynyň täze ýyldyzyna öwrüljekdiginden nyşandyr.
Şeýle hem okanyň
«Altyn top – 2026» baýragyna dalaşgärleriň giňişleýin sanawy we esasy maglumatlary
09 Sen. 08:26«France Football» žurnaly 2025/26-njy ýyllaryň möwsüminiň netijeleri boýunça dünýäniň iň gowy futbolçysy diýen ada dalaş edýän 30 oýunçynyň resmi sanawyny yglan etdi.
Esasy wakalar we rekordlar:
Lionel Messi: «Inter Maýami» toparynyň 39 ýaşly hüjümçisi Argentina bilen DÇ-2026-yň finalyna çenli ýetip (Ispaniýadan 0:1 utuldy), öz karýerasynda 17-nji gezek «Altyn topa» dalaşgär görkezildi.
Kriştianu Ronaldu: 41 ýaşly portugaliýaly hüjümçi eýýäm yzygiderli dördünji gezek (jemi 18 gezek dalaşgär bolan) bu sanawa girizilmedi.
Sanawa girmän galan beýleki ýyldyzlar: Rafinýa, Pedri, Bredli Barkola, Bukaýo Saka, Martin Edegor, Dawid Raýa we Enso Fernandes ýaly belli futbolçylar 30 oýunçynyň hataryna düşüp bilmediler.
Klublar boýunça paýlanyşy:
«Pari Sen-Žermen» — 10 futbolçy (iň köp wekillik edýän topar);
«Real Madrid» we «Bawariýa» — her birinden 4 futbolçy;
«Barselona» we «Arsenal» — her birinden 3 futbolçy.
30 dalaşgäriň doly sanawy:
Jud Bellingem («Real Madrid»), Pau Kubarsi («Barselona»), Mark Kukurelýa («Real Madrid»), Usman Dembele («PSŽ»), Luis Dias («Bawariýa»), Brunu Fernandeş («Mançester Ýunaýted»), Erling Holand («Mançester Siti»), Gabriel («Arsenal»), Harri Keýn («Bawariýa»), Aşraf Hakimi («PSŽ»), Lamin Ýamal («Barselona»), Hwiça Kwarasheliýa («PSŽ»), Markinýos («PSŽ»), Sadio Mane («Al-Nasr»), Lautaro Martines («Inter Milan»), Kilian Mbappe («Real Madrid»), Nunu Mendeş («PSŽ»), Lionel Messi («Inter Maýami»), Maýkl Olise («Bawariýa»), Žoao Neweş («PSŽ»), Wilýan Paço («PSŽ»), Hulian Kinýones («Al-Kadisiýa»), Deklan Raýs («Arsenal»), Rodri («Mançester Siti» / «Barselona»), Fabian Ruis («PSŽ»), Ferran Torres («Barselona» / «PSŽ»), Wilýam Saliba («Arsenal»), Daýo Upamekano («Bawariýa»), Winisius Žunior («Real Madrid»), Witinýa («PSŽ»).
Blitz