Oýun sanawy
Aşgabadyň A.S. Puşkin adyndaky bilelikdäki türkmen-rus mekdebinde Beýik Ýeňşiň 81 ýyllygy mynasybetli dabaraly ýöriş guraldy. Bu çärä okuwçylar, mugallymlar we uruş weteranlary bolup, jemi 1200-den gowrak adam gatnaşdy. Dabara gatnaşyjylar öz ýakynlarynyň — söweş meýdanlarynda we tylda gahrymançylyk görkezen pederleriniň suratlary bilen hatara düzüldiler.
Russiýa Federasiýasynyň Türkmenistandaky ilçisi Iwan Wolynkin öz çykyşynda ýaş nesliň taryhy ýatlamany gorap saklamagynyň ähmiýetini nygtady. Onuň bellemegine görä, çagalaryň elindäki her bir surat maşgala taryhynyň we uly Ýeňşiň aýrylmaz bölegidir. Ilçi bu ýatlamanyň halklary has-da birleşdirýändigini we ýaşlara geljekde dogry ýol görkezýändigini aýtdy. 2015-nji ýyldan bäri yzygiderli geçirilip gelinýän bu çäre asylly däbe öwrülip, parahatçylygyň we gahrymançylygyň simwolyna öwrüldi.
Şeýle hem okanyň
«Türkmengaz» döwlet konserniniň maddy-enjamlaýyn binýady we tehniki enjamlaşdyrylyşy döwrebaplaşdyrylar
24 Okt. 12:11Türkmenistanyň Prezidenti Serdar Berdimuhamedow Ministrler Kabinetiniň mejlisiniň dowamynda «Türkmengaz» döwlet konserniniň maddy-enjamlaýyn binýadyny döwrebaplaşdyrmak hakynda degişli Karara gol çekdi. TDH habarlar gullugynyň mälim etmegine görä, bu resminama ýurduň gaz senagaty toplumynyň önümçilik kuwwatyny yzygiderli ýokary götermäge we pudagyň tehniki mümkinçiliklerini döwrüň talaplaryna laýyklykda kämilleşdirmäge gönükdirilendir.
Häzirki wagtda döwlet konserniniň önümçilik desgalaryny täzeden enjamlaşdyrmak we tehniki binýadyny pugtalandyrmak boýunça giň göwrümli çäreler bellenilen tertipde alnyp barylýar. Amala aşyrylýan bu toplumlaýyn adimler tebigy gazy gazyp almagyň hem-de gaýtadan işlemegiň göwrümini artdyrmak bilen bir hatarda, içerki we daşarky sarp edijileri mawy ýangyç bilen bökdençsiz hem-da durnukly üpjün etmäge şert döredýär.
Döwlet Baştutanymyz Karara gol çekip, degişli wise-premýer Guwanç Agajanowa konserniň maddy-enjamlaýyn binýadyny döwrebaplaşdyrmak boýunça göz öňünde tutulan ähli işleri talabalaýyk guramagy tabşyrdy. Pudagy kämilleşdirmekde dünýäniň öňdebaryjy tehnologik kompaniýalary bilen özara bähbitli hyzmatdaşlygy giňeltmäge we innowasion çözgütleri ornaşdyrmaga aýratyn üns beriler.
Blitz