Hytaýyň Guansi sebitindäki Huňşuý derýasynyň üstünden geçýän Týan-e-Luntan köprüsiniň esasy aşyrymy 600 metre ýetip, polat-beton binalaryň arasynda täze dünýä rekordyny goýdy. Awgust aýynyň ahyrynda bu iri inženerçilik taslamasy ylym we tehnika ulgamyndaky gazanan uly üstünlikleri üçin sebtiň iň ýokary baýragyna mynasyp boldy. Umumy uzynlygy 2 488,55 metre deň bolan we 2024-nji ýylda ulanmaga berlen bu dörtdüzümli köpriniň merkezi aşyrymy öňki görkezijiden 155 metr uzyndyr.

Gurluşyk wagtynda inženerler desganyň öz agramyny azaltmak ýaly çylşyrymly mesele bilen ýüzbe-ýüz boldular. Bu kynçylygy çözmek üçin hünärmenler arkanyň dizaýnyny düýpli üýtgedip, esasy arkany iki göteriji gapyrga böldüler we az ýük düşýän bölekleri aýyrdylar. Netijede, arkanyň ini 23 metrden 13 metre, ulanylan betonyň mukdary bolsa 40 müň kub metrden 28 müň kub metre çenli azaldyldy.

Mundan başga-da, gurluşykçylar betonyň guýluşynda hem-de gataýan mahaly emele gelýän içki dartgynlyklary we jaýryklary gözegçilikde saklamagyň täze usullaryny işläp düzdüler. Bu taslama 600 metrlik esasy aşyrymy bolan ilkinji beton desga öwrülip, geljekde şeýle iri köprüleri gurmakda täze inženerçilik mümkinçiliklerini açdy.