Oýun sanawy
Awstriýa-Türkmen jemgyýetiniň ýolbaşçysy Türkmenistanyň halkara abraýynyň artýandygyny belledi
Awstriýa-Türkmen jemgyýetiniň başlygy Neda Berger Türkmenistanyň Garaşsyzlygynyň 34 ýyllygy mynasybetli iberen gutlag hatynda ýurduň halkara abraýynyň ýokarlanýandygyny aýratyn nygtady. Bu beýanat resmi habarlar sahypasynda ýerleşdirildi.
Bergeriň bellemegine görä, Prezident Serdar Berdimuhamedowyň ýolbaşçylygyndaky daşary we medeni diplomatiýa ugurlary Türkmenistan döwletiniň dünýä derejesindäki ynamdar we bitarap hyzmatdaş hökmünde abraýyny has-da berkidýär.
Ol ýurduň Birleşen Milletler Guramasy, Ýewropa Bileleşigi, Garaşsyz Döwletleriň Arkalaşygy, ŞHG, ÝHHG, Bitaraplar Hereketi, Yslam Hyzmatdaşlyk Guramasy ýaly halkara düzümler bilen hyzmatdaşlygyny giňeldýändigini hem aýratyn belledi.
Mundan başga-da, Berger Türkmenistanyň ykdysady ösüş modeline ýokary baha berdi we ony durnukly ösüşiň nusgasy hökmünde görýändigini aýtdy.
Ol gutlagynyň soňunda türkmen halkyna uzak ömri, abadançylygy we gülläp ösüşi arzuw etdi.
Şeýle hem okanyň
Iň köp görülen
Türkmenistan Prezidenti Serdar Berdimuhamedow, ABŞ-nyň Prezidenti Donald Tramp bilen “Merkezi Aziýa – Amerikanyň Birleşen Ştatlary” sammitiniň çäginde Waşingtonda ikitaraplaýyn duşuşyk geçirer. Bu barada TDH habar berýär.
“Türkmenistan Ministrler Kabinetiniň wise-premýeri, daşary işler ministri Raşit Meredow, Prezident Serdar Berdimuhamedowun ABŞ-a iş saparynyň taýýarlygy barada hasabat berdi. Bu sapar, Prezident Donald Trampyň çagyrmagyna laýyklykda ýokary derejeli gepleşikler geçirmek we “Merkezi Aziýa + ABŞ” sammitine gatnaşmak maksady bilen amala aşar” – diýip, habar berildi.
Serdar Berdimuhamedow, Türkmenistan bilen ABŞ-nyň arasyndaky gatnaşyklary has-da ösdürmek üçin gowy mümkinçilikleriň bardygyny belläp geçdi. “ABŞ-da geçiriljek sammit, iki ýurt arasyndaky özara peýdaly hyzmatdaşlygyň berkemegine ýardam eder” – diýip, döwlet baştutany nygtady.
Öň habar berlişi ýaly, “Merkezi Aziýa + ABŞ” sammiti 6-njy noýabrda geçiriljekdir.
Şeýle hem okanyň
Blitz