Oýun sanawy
Türkmenistanyň Oguz han adyndaky Inžener-tehnologiýalar uniwersitetinde talyplaryň arasynda geçirilen «Etut.developer» atly intellektual hakaton bäsleşiginiň netijeleri yglan edildi. Uniwersitetiň «Oguz han» ylmy-tehnologiýa merkezinde guralan bu çärä ýurdumyzyň 15 sany ýokary okuw mekdebinden saýlama toparlar gatnaşyp, özleriniň sanly ulgamdaky ukyplaryny görkezdiler.
Bäsleşigiň şertine görä, gatnaşyjylar «Etut.developer» bilim web-saýtynyň döwrebap dizaýnyny taýýarlamak we onuň kiberhowpsuzlyk ulgamyny berkidiji innowasion taslamalary işläp düzmek ugrunda bäsleşdiler. Ýaş hünärmenler emeli aň we maglumatlary goramak boýunça özleriniň iň täze pikirlerini we programma üpjünçiliklerini hödürlediler. Bu bolsa ýurdumyzda sanly ykdysadyýeti we ýokary tehnologiýalary ösdürmäge berilýän ünsüň netijesidir.
Emele gelen netijelere görä, ýeňijileriň sanawy aşakdakydyr:
• 1-nji orun: Türkmenistanyň Oguz han adyndaky Inžener-tehnologiýalar uniwersitetiniň we Halkara ynsanperwer ylymlary we ösüş uniwersitetiniň toparlary.
• 2-nji orun: Türkmenistanyň Inžener-tehniki we ulag kommunikasiýalary institutynyň hem-de Türkmen döwlet binagärlik-gurluşyk institutynyň talyplary.
• 3-nji orun: Ýagşygeldi Kakaýew adyndaky Halkara nebit we gaz uniwersitetiniň, Türkmenistanyň Serhet institutynyň hem-de Türkmenistanyň Goranmak ministrliginiň Harby institutynyň toparlary.
Şeýle hem okanyň
Türkmenistandaly mekdep okuwçylary mental arifmetika boýunça dünýä çempionatynda uly üstünlik gazandylar
10 Sen. 11:395-7-nji sentýabr aralygynda Germaniýanyň Bilefeld şäherinde çagalaryň we ýetginjekleriň arasynda mental hasaplamak boýunça dünýä çempionaty (Junior Mental Calculation World Championship 2026) geçirildi. Bu abraýly halkara bäsleşige Hytaý, Ýaponiýa, Germaniýa we Fransiýa ýaly dünýäniň 14 döwletinden 100-den gowrak iň zehinli okuwçylar gatnaşyp, iki sagadyň dowamynda çylşyrymly matematiki amallary diňe ýatdan çözmek boýunça bäsleşdiler.
Ýurt boýunça geçirilen saýlama tapgyrdan üstünlikli geçip, bäsleşige kabul edilen 12 sany türkmen okuwçysy halkara synagda ýokary netijeleri görkezdiler. Bäsleşikde Türkmenabat şäherindäki 41-nji orta mekdebiň 7-nji synp okuwçysy hamana «Kämil Bilim» okuw merkeziniň uçurymy Mekan Nurgeldiýew Junior-1 kategoriýasynda 2477 bal toplap, dünýä boýunça 3-nji orny eýeledi. Şeýle hem ýurdumyzyň mental arifmetika boýunça milli rekordçysy Liwanur Berdiýewa Senior kategoriýasynda iň gowy 8 gatnaşyjynyň hataryna girdi.
Türkmenistanyň ýygyndy toparyna «Kämil bilim» merkeziniň mugallymlary Jahan Durdymämmedowa we Halym Annagurbanow ýolbaşçylyk etdiler. Türkmen okuwçylarynyň bu halkara ýaryşda eýeleýän ýokary orunlary eýýäm däp öwrülip, olar geçen ýyl hem iň gowy onlugyň hataryna girmegi başarypdyrlar.
Blitz