Halkara Pul gaznasynyň (HPG) täze hasabatyna görä, dünýäniň ätiýaçlyk pul gorlarynyň umumy möçberi taryhda ilkinji gezek 13 trillion dollardan geçdi. Emma bu ösüşe garamazdan, ABŞ-nyň dollarynyň dünýäniň ätiýaçlyk gorlaryndaky tutýan paýy soňky 30 ýylyň iň pes derejesine düşdi. 2025-nji ýylyň jemleri boýunça dünýäniň Merkezi banklarynyň pul aktiwleri 6,5% ösüp, jemi 13,1 trillion dollara ýetdi.

Bu maliýe özgerişleriniň esasy görkezijileri şulardan ybarat:

• ABŞ dollary: Dollaryň dünýä ätiýaçlyklaryndaky paýy 56,77%-e çenli azaldy. Şeýlelik bilen, dollar 1995-nji ýyldan bäri iň pes görkezijisini täzeledi (öňki ýyl bu görkeziji 58,52% bolupdy).

• Ýewro: Ýewropa bileleşiginiň pul birligi dünýä ätiýaçlyklarynyň 20,25%-ini emele getirip, durnukly ornuny saklady.

• Ýapon ýeni: Ýapon puluna bolan gyzyklanma artdy we onuň paýy 5,78%-e ýetdi. Bu 2020-nji ýyldan bäri iň ýokary derejedir.

• Hytaý ýuany: Ýuanyň ätiýaçlyk gorlardaky paýy tersine peselip, 2017-nji ýyldan bäri iň pes görkezijisine — 1,95%-e düşdi.