Malaýziýanyň «Genting-Haýlends» kurort toplumynda ýerleşýän «First World Hotel» dünýäniň iň iri myhmanhanasy derejesini yzygiderli saklap gelýär. Giňeldilme we döwrebaplaşdyrylma işlerinden soň, bu ägirt uly toplumyň otag sany 7351-e ýetdi. Bu görkeziji bolsa oňa dünýäniň iň köp otagly ýaşaýyş desgasy hökmünde Ginnesiň rekordlar kitabyndaky öňdeligini we birinji ornuny dabaraly ýagdaýda yzyna gaýtarmaga doly mümkinçilik berdi.

Bu meşhur kurort ýurduň paýtagty Kuala-Lumpuryň golaýynda, deňiz derejesinden 1800 metrden gowrak belentlikde ýerleşýär. Ol 1960-njy ýyllaryň ahyrynda belli telekeçi Lim Goh Tong tarapyndan paýtagt ýaşaýjylary we daşary ýurtly syýahatçylar üçin köpçülikleýin dynç alyş merkezi hökmünde esaslanduryldy. 1971-nji ýyldan başlap, çalt depginde ösen düzümleýin ulgamynyň netijesinde, myhmanhananyň gurluşygyna 1997-nji ýylda başlandy unda ol 2001-nji ýylda ilkinji myhmanlaryny kabul etdi.

Ýyllaryň dowamynda yzygiderli giňedilen desganyň otag sany 2006-njy ýylda 6118-e ýetirildi. 2008-nji ýylda birinjilik Las-Wegasdaky «The Venetian» myhmanhanasyna geçen hem bolsa, «First World Hotel» 2015-nji ýylda 1233 otaglyk ýene bir täze diňi ulanmaga berip, dünýä reýtinginde birinji orny uly tapawut bilen eýeledi. Häzirki wagtda bu ýerde adaty otagyň bahasy bir gije üçin 30 dollardan başlap, toplumyň içindäki söwda merkezleri we restoranlar syýahatçylaryň hyzmatynda bolup durýar.