Oýun sanawy
Samarkantda geçiriljek Merkezi Aziýa çempionatynda Türkmenistanyň karate topary çykyş eder
Adaty karate boýunça Türkmenistanyň milli ýygyndysy 3-nji awgustdan 13-nji awgust aralygynda geçiriljek Merkezi Aziýa çempionatyna gatnaşmak üçin Samarkanda gitdi.
Bäsleşige sebitiň iň güýçli türgenleri gatnaşar. Türkmen karatekasy üçin bu ýaryş ýakyn wagtda geçiriljek halkara ýaryşlaryndan öň möhüm taýýarlyk tapgyrydyr.
Türkmen wekiliýetine Diýar Hojaýew ýolbaşçylyk edýär. Topara 20 türgen, iki tälimçi, üç kazy we iki wekil degişlidir.
Topar sebitdäki ýaryşlarda ýurda abraý bilen wekilçilik etmek üçin ýaryşa doly taýýarlyk gören ýaş we tejribeli türgenleri öz içine alýar.
Şeýle hem okanyň
Iň köp görülen
Türkmenistanyň «Ahal» futbol kluby Eýranyň Ysfahan şäherine AFC Çempionlar ligasy-2-niň toparlaýyn tapgyrynyň dördünji oýnunda ýerli «Sepahan» toparyna garşy çykyş etmek üçin geldi diýip, klubyň metbugat gullugy habar berýär.
«Bu gün „Ahal“ toparynyň wekiliýeti Eýran Yslam Respublikasynyň Ysfahan şäherinde „Sepahan“ toparynyň wekilleri tarapyndan mähirli garşylanyldy. Biz garşy alyjy topara hoşniýetli garşylawlary üçin minnetdarlyk bildirýäris» diýlip, beýanatda aýdylýar.
Oýun noýabr aýynyň 4-ne geçiriler, başlanjak wagty — Aşgabat wagty bilen sagat 19:30. Bu toparlar öňem duşuşypdylar — üçünji tapgyrda «Sepahan» 1:0 hasabynda ýeňiş gazanypdy. Şol duşuşyk hem Aziýa futbol konfederasiýasynyň (AFC) karary boýunça Ysfahanda geçirilipdi. Ilkibaşda oýun Arkadag şäherinde geçirilmelidi, emma AFC oýny Eýrana geçirmek baradaky karara geldi.
Iki tapgyrdan soň Iordaniýanyň «Al-Hussein» topary 6 utuk bilen «C» toparçasynda öňdeligi eýeleýär. Olar «Sepahan» (1:0 öýde) we «Ahal» (4:1 myhmanlykda) toparlaryny ýeňdiler. «Sepahan» 3 utuk bilen ikinji ýerde, «Ahal» bolsa entek utuk gazanyp bilmedi.
«Ahalyň» ýagdaýy Hindistanyň «Mohun Bagan» klubunyň bäsleşikden çykarylmagy sebäpli has-da kynlaşdy. Şonuň netijesinde AFC «Ahalyň» Kalkuttada gazanan 1:0 hasabyndaky ýeňşini ýatyrdy. Hindistanly topar «Sepahan» bilen geçiriljek oýna gelmedigi üçin dissiplinar çäre hökmünde ýaryşdan çykaryldy.
Blitz