Türkmenistanyň daşary işler ministri Raşid Meredow Germaniýa Federatiw Respublikasynyň ýurdumyzda täze bellenen Adatdan daşary we doly ygtyýarly ilçisi Petra Dahtler bilen gepleşikleri geçirdi. Diplomatik duşuşygyň başynda nemes diplomaty Özüniň ynanç hatlarynyň nusgalaryny Türkmenistanyň daşary syýasat edarasynyň ýolbaşçysyna gowşurdy.

Gepleşikleriň dowamynda taraplar iki döwletiň arasyndaky syýasy-diplomatik, söwda-ykdysady hem-de medeni-ynsanperwer ugurlardaky hyzmatdaşlygyň häzirki ýagdaýyny we geljegini maslahatlaşdylar. Şeýle hem BMG-niň, Ýewropa Bileleşiginiň we «Merkezi Aziýa – Germaniýa» köptaraplaýyn meýdançasynyň çäklerindäki netijeli özara tumuşlygatnyşyklara ýokary baha berildi.

Söwda-ykdysady ulgamdaky hyzmatdaşlygy giňeltmekde german ykdysadyýetiniň Gündogar komitetiniň eýeleýän möhüm orny barada aýratyn bellenilip geçildi. Mümkinçilikleri doly peýdalanmak maksady bilen ekologiýa, senagat we maýa goýum ulgamlarynda bilelikdäki taslamalary durmuşa geçirmegiň wajyplygy nygtaldy.

Mundan başga-da, duşuşykda medeniýet, bilim we saglygy goraýyş ulgamlarynda ikitaraplaýyn gatnaşyklary mundan beýläk-de ösdürmek meselelerine seredildi. Taraplar bilelikdäki medeni çäreleri guramagyň hamala bilim maksatnamalaryny giňeltmegiň zerurlygyny tassykladylar.