Gyrgyzystanyň Çolpon-Ata şäherinde geçirilýän VI Bütindünýä çarwadarlar oýunlarynda Türkmenistanyň milli ýygyndysy uly üstünlik gazanyp, eýýäm alty sany medala mynasyp boldy. Dünýäniň 100-den gowrak ýurdundan gelen türgenleriň bäsleşýän bu iri forumynda türkmen türgenleri etnosportuň dürli görnüşleri boýunça ýokary netijeleri görkezdiler. Bäsleşikleriň çäginde milli ýygyndymyz iki altyn, üç kümüş we bir bürünç medaly öz hasabyna ýazdyrmagy başardy.

Milli ýygyndymyza ilkinji ýokary baýraklary milli göreşçilerimiz getirdiler. Türkmen milli göreşi boýunça 100 kilogramdan ýokary agram derejesinde çykyş eden Annagurban Allaberdiýew hamala «alyş» guşakly göreşiniň erkin görnüşinde şol bir agramda çykyş eden Nurmuhammet Baýdogdyýew birinji orunlary eýeläp, altyn medallaryň eýeleri boldular. Bu üstünlikler türkmen mekdäbinin guşakly göreşde näçelikde güýçlidigini ýene bir gezek subut etdi.

Şeýle-de «alyş» göreşi boýunça Mekan Nurberdiýew, Abdyresul Durdyýew we Sylapberdi Nuryýew öz agram derejelerinde kümüş medallara mynasyp boldular. Kuraş boýunça Agyr agramda çykyş eden Kemal Kemalow bolsa ýygyndymyza bürünç medaly getirdi. Ýaryşyň guramaçylary tarapyndan birinji orny eýelänlere 100 müň som, ekinji orunlara 80 müň som, üçünji orny alanlara bolsa 50 müň som möçberinde pul baýraklary gowşuryldy.

Iki ýyldan bir gezek geçirilýän Bütindünýä çarwadarlar oýunlary 31-nji awgustdan 6-njy sentýabr aralygynda dowam edip, Merkezi Aziýa halklarynyň medeni mirasyny we milli däp-dessurlaryny dabaralandyrmaga uly goşant goşýar.