Hindistanyň Türkmenistandaky Ilçihanasy tarapyndan 2026-njy ýylyň 7-nji iýunynda Hazar deňziniň kenarynda ýörite dabaraly çäre guramak meýilleşdirilýär. Bu çäre her ýyl dünýä derejesinde bellenilýän Halkara ýoga gününiň açylyşyna (Curtain Raiser) bagyşlanar. Guramaçylar dabarany Balkan welaýatynyň «Awaza» milli syýahatçylyk zolagynda ýerleşýän «Tolkun» ýahta klubynyň plýažynda geçirmegi göz öňünde tutýarlar.

Munuň bilen baglylykda, meýilleşdirilýän sagdynlyk we medeniýet çäresine hindistanly watandaşlar, Türkmenistanyň ýaşaýjylary hem-de Hindistanyň ähli dostlary çagyrylýar. Ýoga maşklaryny we tanyşdyryşlary öz içine aljak bu çäre irki sagat 08:00-dan 09:00-a çenli dowam eder. Ol sebitde sagdyn durmuş ýörelgelerini wagyz etmekde we iki ýurduň arasyndaky dostlukly gatnaşyklary berkitmekde möhüm orun eýelejekdir.

Gatnaşmaga isleg bildirýänleriň öňünden hasaba durmaklary we gatnaşjakdyklaryny tassyklamaklary meýilleşdirilýär. Habarlaşmak üçin +99364 069554 telefon belgisini ýa-da int.ashgabat@mea.gov.in elektron salgysyny ulanyp bilersiňiz.