Türkmenistanyň milli sanly portaly bolan «Sanly.tm» — ýurtda hereket edýän dürli ugurdaky kärhanalara biznes-prosesleri awtomatlaşdyrmaga, maglumatlary ýokary howpsuzlyk şertlerinde alşyp-çalyşmaga we işgärleriň arasynda bilelikdäki netijeli işi ýola goýmaga ýardam edýän köpugurly innowasion ekoulgamdyr. Bu taslama milli ykdysadyýetiň sanly transformasiýasyny çaltlandyrmakda möhüm gural bolup hyzmat edýär.

Häzirki zaman sanly platformasy özünde ygtybarly korporatiw elektron poçtany, meýilnamalaşdyryş üçin şahsy kalendarlary, gurnalan çeýe gözleg ulgamyny, döwlet hyzmatlaryna hem-de peýdaly onlaýn-serwislere göni elýeterliligi jemleýär. Şeýle hem, portalyň düzüminde ýerli söwda meýdançalarynyň we internet-dükanlarynyň giňişleýin katalogyny öz içine alýan elektron söwda bölümleri hem bar.

Işläp düzüjiler tarapyndan ýuridik şahslar (kärhanalar we guramalar) üçin niýetlenen korporatiw elektron poçta hyzmatyna aýratyn üns berildi. Ulgamda gurama resmi taýdan hasaba alnandan soň, onuň her bir işgärine hatlary howpsuz saklamak we ulgamlaşdyrmak üçin bukjalary çeýe sazlamak mümkinçiligi bolan hususy email-salgysy berilýär. Bu programma çözgüdi korporatiw hat alyşmalaryň doly gizlinligini (konfidentsiallygyny) kepillendirýär we kärhanalaryň içki aragatnaşygynyň tizligini ep-esli artdyrýar.

Milli portal häzirki zaman tehnologik talaplaryna laýyk gelýän, ulanmaga diýseň ýeňil bolan interfeýse (daşky görnüşe) eýe bolup, iki dilde — türkmen we rus dillerinde doly derejede işleýär. Islendik ulanyjy platformanyň ähli mümkinçiliklerine, döwlet we jemgyýetçilik serwislerine dessine elýeterlilik gazanmak üçin özbaşdak hasap (akkaunt) döredip biler. «Sanly.tm» ýaly iri göwrümli IT-taslamalaryň durmuşa geçirilmegi raýatlaryň, biznes düzümleriniň we döwlet edaralarynyň arasyndaky özara elektron gatnaşyklary hil taýdan täze derejä çykarýar.