«Samsung» brendi «Galaxy S26» seriýasynyň mümkinçiliklerini elýeterli bahadan hödürleýän täze «Galaxy S26 FE» modelini resmi taýdan görkezdi. Täze smartfonyň başlangyç bahasy öňki nesli bilen deňeşdirilende 50 dollar gymmatlap, 700 dollara ýetdi. Şeýle-de bolsa, enjam 3 nanometrlik «Exynos 2500» çibi, «Android 17» we «One UI 9» ulgamy bilen üpjün edilip, oňa 7 ýyllyk programma täzelenmesi wada berilýär.

Täze modelde «Galaxy AI» mümkinçilikleri giňeldildi: indi suratlary we «Now Brief» wijetlerini adaty sesli buýruklar arkaly redaktirläp bolýar. Smartfon 6,7 dýuýmlyk OLED displeý (120 Gs, 1900 nit), 4900 mA/sag akkumulýator we 45 Wt zarýad beriş ulgamy bilen üpjün edildi. Kameralar toplumyna 50 MP esasy, 8 MP teleobýektiw we 12 MP ultra-giň obýektiw girýär. Mundan başga-da, wideoda adamy kadryň merkezinde saklaýan «My FanCam» we suraty durnuklaşdyrýan «Horizon Lock» funksiýalary girizildi. Smartfon 4-nji sentýabrda üç reňkde satuwa çykar.