Arkadag şäheriniň häkimliginde 2026-njy ýylyň ilkinji ýedi aýynda ýerine ýetirilen işleriň netijelerine hem-de durmuş-ykdysady ösüşe bagyşlanan maslahat geçirildi. Bu maslahata Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy, şäher häkimi, edaralaryň ýolbaşçylary, jemgyýetçilik guramalarynyň we köpçülikleýin habar beriş serişdeleriniň wekilleri gatnaşdy.

Maslahatyň dowamynda şäher edaralarynyň ýolbaşçylarynyň dürli ugurlar boýunça alyp barlan işleri baradaky hasabatlary diňlenildi. Arkadag şäheriniň ikinji tapgyrynyň gurluşygynyň «akylly» şäher konsepsiýasyna laýyklykda ýokary depginler bilen dowam edýändigi bellenildi. Binagärlik we gurluşyk işlerinde döwrebap tehnologiýalar ham-da ösen inženerçilik çözgütleri giňden ulanylýar.

Şeýle hem maslahatda hasabat döwründe şäherde halkara forumlaryň, sergileriň we dabaraly çäreleriň ýokary guramaçylyk derejesinde geçirilendigi nygtaldy. Şäherde köpçülikleýin sporty ösdürmäge, sport bäsleşiklerini yzygiderli guramaga hem-de ýaşaýjylaryň arasynda sagdyn durmuş ýörelgesini wagyz etmäge aýratyn üns berilýär.

Mundan başga-da, maslahata gatnaşyjylar Türkmenistanyň Halk Maslahatynyň mejlisine ham-da ýurduň Garaşsyzlygynyň 35 ýyllygyna bagyşlanan döwlet derejesindäki çärelere taýýarlyk görmek meselelerini maslahatlaşdylar. Maslahatyň soňunda Türkmenistanyň Halk Maslahatynyň Başlygy Gurbanguly Berdimuhamedowyň we Mähriban Prezidentimiz Serdar Berdimuhamedowyň adyna minnetdarlyk sözleri aýdyldy.