Oýun sanawy
Türkmenistanyň Medeniýet ministrliginiň «Medeniýet we syýahat» žurnaly raýatlar üçin ýurdumyzyň uly syýahatçylyk merkezi bolan «Awaza» milli syýahatçylyk zolagyna ýörite dynç alyş gezelençlerini yglan etdi. Şäher ilaty üçin guralýan bu saparlar demir ýol ululagy arkaly amala aşyrylar.
Täze syýahatçylyk maksatnamasy 2026-njy ýylyň 14-nji sentýabryndan başlap guralyp, raýatlara üç hem-de bäş günlik dynç alyş möhletleri hödürlenýär. Bu gezelençler deňiz ýakasynda amatly şertlerde dynç almak isleýän raýatlar üçin niýetlenendir.
Syýahatyň çäklerinde gelen myhmanlaryň ýaşamagy üçin «Awaza» milli syýahatçylyk zolagynda ýerleşýän döwrebap «Şowhun» kottejler toplumy bellenildi. Dynç alýanlara ähli amatlylyklary bolan binalarda durnukly şertler üpjün ediler.
Gezelençlere gatnaşmak, sargyt etmek we goşmaça maglumatlary almak isleýän raýatlar üçin 44-01-40, +99365561637, +99363276674 hem-de +99365839249 telefon belgileri arkaly habarlaşmak mümkinçiligi döredildi.
Şeýle hem okanyň
Türkmenistanyň paýtagtynda Hazar deňziniň daşky gurşawyny goramak boýunça halkara okuw çäresi açyldy
08 Sen. 18:39Aşgabatda «Hazar deňzi – durnukly ösüş we dolandyryş» diýlip atlandyrylan 11-nji Halkara okuw maslahaty öz işine başlady. Ýurduň Daşary işler ministrliginiň, Hazar deňzi institutynyň hem-de Halkara okean institutynyň bilelikde guramagynda geçirilýän bu çäre 18-nji sentýabra çenli dowam eder. Аçylyş dabarasynda BMG-niň we beýleki öňdebaryjy halkara guramalaryň wekilleri çykyş edip, Hazar deňziniň ekologik ýagdaýyna, suwuň çekilmeginiň sebäplerine we deňiz hukugyna aýratyn üns berilýändigini nygtadylar.
2013-nji ýyldan bäri geçirilýän bu bilim maksatnamasynyň çäklerinde Hazarýaka ýurtlardan hem-de Hytaýdan 175 sany hünärmen öz hünär taýýarlygyny ýokarlandyrdy. Şeýle hem maslahatyň dowamynda Türkmenistanyň деми bilen BMG-niň Baş Assambleýasy tarapyndan 2028-nji ýyly «Halkara hukugynyň ýyly» diýip yglan etmek baradaky Kararnamanyň möhüm ähmiýeti barada pikir alşyldy.
Blitz