Oýun sanawy
NesilCoffee kompaniýasy 17–19-njy mart aralygynda Aşgabat şäherinde, Türkmenistanyň Söwda-senagat edarasynyň binasynda geçirilen hususy pudagyň gazananlaryna bagyşlanan sergä gatnaşdy.
Bu çäre Türkmenistanyň Senagatçylar we telekeçiler birleşmesiniň döredilmeginiň 18 ýyllygy mynasybetli guralyp, oňa onlarça ýerli hem-de takmynan 70 sany daşary ýurt kompaniýasy gatnaşdy. Bu bolsa onuň ýokary halkara derejesini tassyklaýar.
NesilCoffee kompaniýasy öz önümlerini — ýokary hilli däneli kofe, sublimirlenen kofe, 3-si 1-de görnüşindäki kofe içgileri, şeýle hem ereýän karak çaýyny hödürledi.
2024-nji ýylda döredilen kompaniýa häzirki wagtda ynamly ösüş depginini görkezýär we eksport ugruny işjeň ösdürýär. Kärhananyň önümçilik kuwwaty ýylda 4 000 tonna ýetip, ony 10 000 tonna çenli giňeltmek mümkinçiligi bar.
Önümçilikde häzirki zaman tehnologiýalary we ýokary hilli çig mal ulanylýar, önümleriň hili bolsa halkara standartlaryna laýyk gelýär.
Sergä gatnaşmak kompaniýa üçin işewür gatnaşyklary pugtalandyrmakda we içerki hem-de halkara bazarlarda hyzmatdaşlygy giňeltmekde möhüm ädim boldy.
745205 Türkmenistan,
Änew şäheri, Ak bugdaý etraby, Balkan köçesi, 46
Telefon: +993 64 83 74 28 (WhatsApp, Telegram)
Ofis: +993 137 3 29 69 / +993 137 3 29 71
Şeýle hem okanyň
Türkmenistanyň agyr atletika boýunça milli ýygyndysy Hytaýda geçiriljek Dünýä çempionatyna gatnaşar
26 Okt. 08:09Türkmenistanyň agyr atletika boýunça milli ýygyndy topary 2026-njy ýylyň 27-nji oktýabry — 8-nji noýabry aralygynda Hytaýyň Ninbo şäherinde geçiriljek 91-nji Dünýä çempionatynda ýurdumyza wekilçilik eder. Halkara bäsleşikde Türkmenistanyň toparyny 10 sany türgen gorar. Zenanlaryň arasynda Ogulşat Amanowa, Şabnam Kerimbaýewa, Medine Amanowa, Gülälek Kakamyradowa we Anamjan Rustamowa çykyş ederler. Erkekleriň bäsleşiginde bolsa Didarbek Jumabaýew, Bektimur Reýimow, Gaýgysyz Töräýew, Rüstem Annaberdiýew hem-de Şahzadbek Mätýakubow dagylar platforma çykarlar.
Ninbodaky bu Dünýä birinjiligi Halkara agyr atletika federasiýasy (IWF) tarapyndan agram derejeleriniň täze ulgamy kabul edilenden soňky ilkinji iri ýaryş bolup durýar. IWF-niň reformalaryna laýyklykda, öňki 20 agram derejesiniň deregine indi medallar toplumy 16 ugur boýunça — erkekleriň we zenanlaryň hersinde 8 agram derejesinde oýnalar. Şeýle hem Hytaýda geçiriljek bu abraýly bäsleşik 2028-nji ýylda Los-Anjelesde (ABŞ) guraljak tomusky Olimpiýa oýunlaryna saýlama ýaryş hökmünde uly strategik ähmiýete eýedir.
Bellenilmeli zat, Hytaý öz taryhynda eýýäm ikinji gezek agyr atletika boýunça Dünýä çempionatyny kabul edýär; bu ýurtda ilkinji dünýä birinjiligi 1995-nji ýylda geçirilipdi. Türkmen türgenleriniň täze agram derejelerinde görkezjek netijeleri milli sportumyzyň halkara meýdançasyndaky ornuny pugtalandyrmaga we Olimpiýa lisenziýalaryny gazanmaga uly mümkinçilik döreder.
Şeýle hem okanyň
Blitz