NASA-nyň ýolbaşçysy Jared Aýzekman agentligiň astronawtlary Aýa gondurmak meýilnamasyny diňe öz güýji bilen amala aşyryp bilmejekdigini we bu ugurda hususy kompaniýalaryň kömegine uly mätäçlik çekýändigini bildirdi. Agentligiň hyzmatdaşlary eýýämden geljekki missiýanyň esasy düzüm bölekleriniň üstünde işläp başlady. Meselem, astronawtlar üçin täze skafandrlary «Axiom Space» kompaniýasy öndürýän bolsa, Aýa gonuş modullaryny döretmek boýunça Ilon Maskyň «SpaceX» hem-de Jeff Bezosyň «Blue Origin» kompaniýalary iş alyp barýarlar.

Kosmos agentligi Aýy öwrenmek boýunça uly üstünlikleri gazanmagyny dowam etdirýär. Şu ýylyň aprel aýynda «Artemis II» missiýasynyň ekipažy «Orion» kosmos gämisinde Ýerden 406,7 müň kilometr daşlaşyp, adamyň kosmosda iň uzak aralyga gitmek çägi boýunça täze rekord goýdy. Astronawtlar uçuşy üstünlikli tamamlap, Ýuwaş okeanyna gondular.

Agentligiň indiki baş maksady 2028-nji ýylda geçirilmeli «Artemis IV» missiýasy bolar. Onuň çäklerinde 1972-nji ýyldan bäri ilkinji gezek astronawtlaryň Ýeriň tebigy hemrasynyň üstüne gonmagy meýilleşdirilýär.