Oýun sanawy
Türkmenistanyň Bilim ministrligi bilen «PETRONAS» kompaniýasynyň arasynda täze Ähtnama gol çekildi
23 Awgust. 14:31Türkmenistanyň Bilim ministrligi bilen Malaýziýanyň «PETRONAS Çarigali (Türkmenistan) Sdn. Bhd.» kompaniýasynyň arasynda bilim we hünär taýýarlygy babatda özara düşünişmek hakynda täze Ähtnama gol çekildi. Ministrlikde geçirilen duşuşyga Bilim ministri J.Gurbangeldiýew, Malaýziýanyň ilçisi Mohd Suhaými bin Ahmad Tajuddin we «PETRONAS Çarigali (Türkmenistan)» kompaniýasynyň baş direktory Ismadi bin Ismail gatnaşdylar.
Gol çekilen resminama «PETRONAS» kompaniýasynyň Türkmenistandaky nebit-gaz hyzmatdaşlygynyň 30 ýyllygyna gabat geldi. Gepleşikleriň barşynda nebit-gaz pudagy üçin ýokary hünärli kadrlary taýýarlamak, «PETRONAS» Tehnologiýa uniwersitetinde türkmen talyplaryna bilim grantlaryny bermek we hünärmenleriň hünärini ýokarlandyrmak meselelerine seredildi.
Häzirki güne çenli iki ýurduň arasynda bilim ugrunda 20-ä golaý resminama gol çekildi. Ýakynda Malaýziýanyň premýer-ministriniň Türkmenistana bolan saparynyň çäginde hem ýurduň üç ýokary okuw mekdebi bilen Tenaga milli uniwersitetiniň arasynda akademiki mobillik boýunça ylalaşyklar gazanylypdy.
Şeýle hem okanyň
Türkmenistanda gallaçylar güýzlük bugdaý ekilişine köpçülikleýin girişdiler
10 Sen. 10:44Türkmenistanyň oba hojalyk zähmetkeşleri geljek ýylyň bol hasylynyň düýbüni tutmak maksady bilen güýzlük bugdaý ekilişine köpçülikleýin başladylar. Bu möhüm oba hojalyk kampaniýasy ýurduň ähli welaýatlarynda bir wagtyň özünde badalga aldy.
Oba hojalyk kärhanalary we daýhan hojalyklary möwsüme doly taýýarlykly geldiler. Ekiliş işlerinde ýokary öndürijilikli tehnikalar, şol sanda meşhur daşary ýurt önümçilikli traktorlar hem-de seýalkalar bökdençsiz bellenilen tertipde peýdalanylýar.
Gallaçylar ýerli toprak we howa şertlerine durnukly bolan, ýokary hilli bugdaý sortlaryny ekmegi meýilleşdirýärler. Bu işler ýurtda azyk bolçulygyny üpjün etmekde we oba hojalyk ulgamyny mundan beýläk-de ösdürmekde möhüm ädim bolup durýar.
Möwsümleýin meýdan işleriniň bellenilen möhletlerde we agrotehniki kadalara doly laýyklykda geçirilmegi üçin degişli hünärmenler tarapyndan yzygiderli gözegçilik we maslahat goldawlary guralýar.
Blitz