Oýun sanawy
Microsoft Office programmalary üçin täze ikonkalary hödürledi — soňky 7 ýylda ilkinji giňişleýin täzelenme
Microsoft kompaniýasy Office programmalarynyň esasy ikonkalaryny täze görnüşde hödürläp, 2018-nji ýyldan bäri ilkinji gezek giň gerimli dizaýn täzelenmesini amala aşyrdy. Täze ikonkalarda döwrebap we reňkli estetika bilen bir hatarda, ulanyjy üçin düşnükliligi we elýeterliligi öňe sürilýär.
Microsoft-yň dizaýn we barlag boýunça wise-prezidenti Jon Fridmaniň bellemegine görä, täze ikonkalarda "baglanyşyk, rahatlyk we hyzmatdaşlyk" düşünjeleri esasy ugur hökmünde kabul edilipdir. Dizaýnlarda ýumşak çyzyklar we reňk geçişleri giňden ulanyldy.
Täze stil Microsoft 365 ulgamyna ornaşdyrylan emeli aň kömekçisi Copilot-yň wizual aýratynlyklaryndan ylham aldy. Onuň elementleri täze ikonkalaryň esasynda ýerleşdirildi.
Käbir ikonkalarda grafik şekiller ýönekeýleşdirildi — mysal üçin, Word programmasynyň logotipindäki öňki dört çyzyk üçe çenli azaldy, bu bolsa kiçi ölçeglerde has aýdyň görkezmegi maksat edinýär.
Microsoft bu täzeleşdirilen ikonkalary birnäçe hepdeläp tapgyrlaýyn görnüşde ulanyjylara ýetirer — olar web ulgamynda, kompýuterlerde we mobil enjamlarynda elýeterli bolar.
Şeýle hem okanyň
Iň köp görülen
Türkmenistanyň bank ulgamynyň zenan işgärleriniň arasynda döredijilik bäsleşigi geçirildi
Türkmenistanyň Jemgyýetçilik guramalarynyň merkezinde ýurdumyzyň bank pudagynda zähmet çekýän zenanlaryň arasynda döredijilik bäsleşiginiň jemleýji tapgyry geçirildi. Oňa welaýatlaryň hem-de şäherleriň saýlama tapgyrlarynda öňe çykan ýeňijiler gatnaşdy.
Bäsleşigiň ilkinji tapgyrynda gatnaşyjylar Türkmenistanyň bank ulgamyndaky ösüşler, gazanylan sepgitler hem-de 2011–2030-njy ýyllar üçin bank ulgamyny ösdürmegiň Döwlet maksatnamasy esasynda alnyp barylýan işler barada gürrüň berdiler.
Ikinji tapgyrda gatnaşyjylar aýdym, dessan ýa-da goşgular bilen çykyş etdiler. Jemleýji tapgyrda bolsa olar dabaraly saçak taýýarlap, milli naharlaryň taýýarlanylyşyny görkezdiler.
Netijeler boýunça:
-
üçünji orun — Ahal, Lebap welaýatlaryndan we Arkadag şäherinden gelen gatnaşyjylara;
-
ikinji orun — Balkan welaýatyndan we Aşgabat şäherinden gatnaşyjylara;
-
birinji orun — Mary welaýatynyň wekillerine;
-
Baş baýrak — Daşoguz welaýatynyň gatnaşygyna berildi.
Ýeňijiler we baýrak alanlar hormat hatlary hem-de gymmatly sowgatlar bilen sylaglandy.
Bäsleşigiň dabaraly bölegi estrada ýerine ýetirijileriniň aýdym-sazly çykyşlary bilen tamamlandy.
Bäsleşik Türkmenistanyň Merkezi banky, Türkmenistanyň zenanlar birleşiginiň Merkezi geňeşi we Türkmenistanyň kärdeşler arkalaşyklarynyň milli merkezi tarapyndan guraldy. Çäre Parahatçylyk we ynam ýylyna, Türkmenistanyň Garaşsyzlygynyň 34 ýyllygyna, hemişelik bitaraplygyň 30 ýyllygyna, şeýle hem milli manadyň dolanyşyga girizilmeginiň 32 ýyllygyna bagyşlandy.
Blitz