Oýun sanawy
LE TRAVEL TURKMENISTAN-a hoş geldiňiz!
LE TRAVEL TURKMENISTAN — Türkmenistany açyp görkezýän, syýahatlary ýokary derejede guraýan hünärmen syýahatçylyk kompaniýasydyr. Kompaniýanyň esasy maksady syýahaty diňe bir rahat däl-de, eýsem ýatdan çykmajak täsirler we täsin açyşlar bilen baýlaşdyrmakdyr.
Näme üçin LE TRAVEL TURKMENISTAN saýlanýar?
- Tejribe: Köp ýyllyk tejribesi bilen kompaniýa iň amatly syýahat ugurlaryny we ýokary hilli hyzmatlary hödürleýär.
- Elýeterli bahalar: Ýokary hil saklanyp, bäsdeşlikli bahalar teklip edilýär.
- Ýokary derejeli hyzmat: Her bir myhmana aýratyn çemeleşme we jikme-jikliklere üns berilýär.
- Ýörite syýahatlar: Türkmenistanyň baý taryhyny, medeniýetini we täsin tebigatyny açyp görkezýän özboluşly syýahatlar taýýarlanylýar.
Hünärmenler topary
Tejribeli ýolbeletler, dolandyryjylar we syýahatçylyk hünärmenleri syýahatyň ýokary derejede geçmegi üçin sazlaşykly işleýärler.
Syýahat ugurlary:
Gadymy Abiwerd galasy, Margiana — gadymy medeniýetiň syrly ýurdy, Merw, Dehistan, Seýit Jemaleddin metjidi, Nusaý, Köpetdag, Darwaza gaz krateri, Kow-Ata gowagy, Hojapil we Dinozawrlar platosy, Nohur.
LE TRAVEL TURKMENISTAN — Türkmenistany açmagyň iň dogry ýoly.
Şeýle hem okanyň
Mary welaýatynda ýylda 50 müň tonna önüm öndürmäge ukyply täze süýt gaýtadan işleýän kärhana dabaraly açyldy
26 Okt. 10:04Mary welaýatynyň Mary etrabynyň «Täze Oba» daýhan birleşiginiň çäginde ýylda 50 müň tonna süýdi gaýtadan işlemäge niýetlenen döwrebap önümçilik toplumy dabaraly ýagdaýda ulanyşa berildi. Täze senagat desgasynyň açylyş dabarasyna ýerli häkimiýet edaralarynyň, jemgyýetçilik guramalarynyň, syýasy partiýalaryň wekilleri, senagat kärhanalarynyň hünärmenleri, talyplar ham-da hormatly ýaşulular gatnaşdylar. Bu döwrebap toplum sebitiň azyk senagaty kuwwatyny ep-esli artdyrmaga uly goşant goşar.
Täze zawodyň gurluşyk işleri hususy telekeçi Guwançmyrat Orazowa hemişelik ulanmak üçin bölünüp berlen 3,5 gektar meýdanda alnyp baryldy. Taslamanyň baş potratçysy hökmünde ýurduň öňdebaryjy «Täze Aý Önümleri» hojalyk jemgyýeti çykyş etdi, alnyp barylan gurluşyk işleri bolsa Türkiýe Respublikasynyň ýöriteleşdirilen kompaniýasy tarapyndan enjamlaşdyrylan metal gurluşlar we kämil materiallar bilen üpjün edildi.
Kärhana iň döwrebap tehnologik liniýalar, önümçilik sehler hem-da barlaghana-gözegçilik bölümleri bilen doly üpjün edilendir. Bu ýokary tehnologik enjamlar köp görnüşli süýt we gatyk önümlerini öndürmäge, amallaryň netijeliligini ýokarlandyrmaga we önümleriň peýdaly häsiýetlerini saklamak bilen olaryň saklanyş möhletini uzaltmaga mümkinçilik berýär. Desganyň ulanyşa girizilmegi içerki bazary ýerli önümler bilen bökdençsiz üpjün etmäge hem-da sebitde täze iş orunlaryny döretmäge şert döredýär.
Blitz