Birleşen Arap Emirlikleriniň adyndan çykyş edýän, çeçen asylly MMA göreşijisi Hamzat Çimäýew orta agram derejesinde UFC-niň täze çempiony boldy. Ol Çikagoda geçirilen UFC 319 ýaryşynda Günorta Afrikaly Dýu Plessini ýeňdi.

Döwüş eminleriň agzybir karary bilen 50–44, 50–44, 50–44 hasaby bilen Çimäýewiň peýdasyna tamamlandy.

Bu Hamzat Çimäýewiň professional karýerasyndaky 15-nji ýeňşi bolup, ol UFC-de hem 9 duşuşykda 9 ýeňşi gazandy. Ol häzire çenli hiç bir garşydaşyna ýeňilmedi.

31 ýaşly Dýu Plessi üçin bolsa bu üçünji ýeňlişi bolup, ol soňky gezek 2018-nji ýylda ýeňlipdi.