Aşgabat şäherinde Türkmenistanyň milli ýygyndysynyň welosipedçileri bilen Birleşen Arap Emirlikleriniň Abu-Dabi welosport klubynyň türgenleriniň bilelikdäki okuw-türgenleşik ýygnanyşygy başlandy. «Türkmenistan» gazetiniň habar bermegine görä, bu halkara sport çäresi 20-nji awgusta çenli dowam eder. Abu-Dabiden gelen myhmanlar paýtagtyň «Türgenler» myhmanhanasynda ýerleşdirilip, türgenleşikler Atatürk, Köpetdag köçeleriniň, Arçabil şaýolunyň, Gökdere jülgesiniň ugurlarynda hem-de Olimpiýa şäherçesindäki Welotrek sport toplumynda geçirilýär.

Birleşen Arap Emirliklerinden gelen wekiliýetiň düzüminde klubyň dolandyryjysy, iki tälimçi, tigir ussasy we 24 sany türgen bar. Türkmenistanyň milli ýygyndysyndan bolsa baş tälimçi Kakabaý Ataýewiň we onuň kömekçisi Igor Ýoldaşewiň ýolbaşçylygynda 15 türgen bu taýýarlyk tapgyryna goşuldy. Okuw-türgenleşik döwründe welosipedçiler open-air şertlerinde jemi 1270 kilometre golaý ýoly geçerler, şeýle hem Welotrek toplumynda alty sany türgenleşik we üç sany okuw-usuly maslahat guralar.

Abu-Dabi klubynyň baş tälimçisi, Russiýa Federasiýasynyň köp gezekki çempiony we halkara ýaryşlaryň ýeňijisi Wladimir Gusýew bu çäräniň esasy maksadynyň güýz aýlarynda badalga alýan täze möwsüme taýýarlanmakdyğyny belledi. Onuň sözlerine görä, arap kluby Tailandda geçiriljek Aziýanyň kubogyna ham-da Siriýada guraljak Arap döwletleriniň çempionatyna gatnaşmagy meýilleşdirýär. Bu sport hyzmatdaşlygy 2023 — 2025-nji ýyllarda hem durnukly geçirilip, türkmen türgenleri Abu-Dabidäki halkara ýaryşlara yzygiderli gatnaşypdylar.

Aşgabatdaky okuw-türgenleşik ýygnanyşygy tamamlanandan soňra, Türkmenistanyň milli ýygyndysynyň türgenlerini möhüm halkara ýaryşlar kutýar. Türkmen welosipedçileri 28 — 30-njy awgust aralygynda Tailandda geçiriljek Aziýa kubogynda çykyş ederler, soňra bolsa 29-njy sentýabr — 2-nji oktýabr aralygynda Ýaponiýada guraljak Aziýa oýunlaryna gatnaşarlar.