Oýun sanawy
Önümçilik üstünligi: «Çemmerli» gaz käninde tebigy gazyň täze akymy alyndy
31 Iýul. 14:29Merkezi Garagumda ýerleşýän «Çemmerli» gaz käninde tebigy gazyň täze senagat akymy alyndy. Bu barada Türkmenistanyň Döwlet habarlar agentligi (TDH) habar berýär.
Gözleg-burawlaýyş işleri «Türkmengaz» döwlet konserniniň «Döwletabatgazçykaryş» müdirliginiň buýurmasy boýunça «Türkmengazburawlaýyş» müdirliginiň hünärmenleri tarapyndan amala aşyryldy. Känini özleşdirmegiň çäklerinde 265 belgili baha beriş-ulanyş guýusy 1 müň 200 metr çuňluga çenli burawlandy.
Geçirilen barlag-synag işleriniň netijesinde guýynyň 1 müň 114 — 1 müň 110 metr aralygyndan bir gije-gündizde 150 — 200 müň kub metrden gowrak senagat ähmiýetli tebigy gazyň akymy alyndy.
Merkezi Garagum zolagynda ýerleşýän bu kände gaz akymynyň alynmagy nebitgaz pudagynyň zähmetkeşleriniň Garaşsyzlyk baýramyny ýokary zähmet ýeňişleri bilen garşylamak ugrundaky netijeli işleriniň aýdyň subutnamasy boldy.
Şeýle hem okanyň
Türkmenistanyň paýtagtynda Hazar deňziniň daşky gurşawyny goramak boýunça halkara okuw çäresi açyldy
08 Sen. 18:39Aşgabatda «Hazar deňzi – durnukly ösüş we dolandyryş» diýlip atlandyrylan 11-nji Halkara okuw maslahaty öz işine başlady. Ýurduň Daşary işler ministrliginiň, Hazar deňzi institutynyň hem-de Halkara okean institutynyň bilelikde guramagynda geçirilýän bu çäre 18-nji sentýabra çenli dowam eder. Аçylyş dabarasynda BMG-niň we beýleki öňdebaryjy halkara guramalaryň wekilleri çykyş edip, Hazar deňziniň ekologik ýagdaýyna, suwuň çekilmeginiň sebäplerine we deňiz hukugyna aýratyn üns berilýändigini nygtadylar.
2013-nji ýyldan bäri geçirilýän bu bilim maksatnamasynyň çäklerinde Hazarýaka ýurtlardan hem-de Hytaýdan 175 sany hünärmen öz hünär taýýarlygyny ýokarlandyrdy. Şeýle hem maslahatyň dowamynda Türkmenistanyň деми bilen BMG-niň Baş Assambleýasy tarapyndan 2028-nji ýyly «Halkara hukugynyň ýyly» diýip yglan etmek baradaky Kararnamanyň möhüm ähmiýeti barada pikir alşyldy.
Blitz