Hindistanyň iri awiakompaniýalary Ýakyn Gündogardaky syýasy durnuksyzlyk netijesinde uçar ýangyjynyň nyrhlarynyň çendenaşa ýokarlanmagyndan soň, hökümete ýüz tutdulyar. Hindi awiakompaniýalarynyň birleşigi (FIA) ýurduň Raýat awiasiýasy ministrligine ýollan hatynda pudagyň durnuklylygyny ýitirmek töwekgelçiliginiň bardygyny mälim etdi. Häzirki wagtda ýangyç çykdajylarynyň artmagy gatnawlaryň sanynyň azalmagyna we kompaniýalaryň maliýe ýagdaýynyň ýaramazlaşmagyna sebäp bolýar.

Awiagatnadyjylar hökümetden gyssagly maliýe goldawyny we ýangyç nyrhlaryny kadalaşdyrmak boýunça ýörite çäreleriň görülmegini talap edýärler. Ekspertleriň pikiriçe, nyrhlaryň häzirki ösüş depgini saklansa, ýakyn wagtda köp sanly gatnawlaryň doly ýatyrylmagy we pudakda uly möçberli ýitgileriň ýüze çykmagy gutulgysyzdyr. Bu ýagdaý diňe bir içerki däl, eýsem halkara howa menzilleriniň işine hem oky täsirini ýetirip biler.

Global derejede hem awiasiýa pudagy meňzeş kynçylyklar bilen ýüzbe-ýüz bolýar. Halkara habarlar agentlikleriniň maglumatyna görä, dünýäniň köp sanly awiakompaniýalary çykdajylary tygşytlamakt maksady bilen, uçuş meýilnamalaryna gaýtadan seredýärler we käbir uçarlary ulanmakdan wagtlaýyn saklanýarlar. Ýangyç üpjünçiligindäki bökdençlikler tutuş dünýäde howa transportynyň bahasynyň gymmatlamagyna getirýär.

Ýewropanyň we beýleki sebitleriň hünärmenleri nebit üpjünçiligi dikeldilmese, howa gatnawlarynyň bökdençli dowam etjekdigini duýdurýarlar. Energiýa edaralarynyň ýolbaşçylary Ýakyn Gündogardaky krizisiň täsiriniň ýene birnäçe hepdä çekip biljekdigini çaklaýarlar. Şunuň bilen baglylykda, Hindistanyň awiagatnadyjylary döwlet tarapyndan goldaw berilmese, pudagyň doly durmagy ýa-da uly çökgünlige düşmegi barada duýduryş berýärler.